إشترك
خلال مداخلة هاتفية مع برنامج "كلاكيت" الذى تقدّمه لينا الطهطاوي على "إنستغرام"، تحدثت الفنانة بسمة عن دورها في فيلم "أولاد حريم كريم"، مؤكدةً أن ما يُنشر على مواقع التواصل الاجتماعي أو يراه المشاهدون في الكواليس ليس كله حقيقياً.
وأكدت بسمة أن شخصية "دينا مندور" التي قدّمتها في الجزء الأول من الفيلم، هي من أقرب الشخصيات إليها، ومن أكثر الأدوار التي تتفاءل بها.
وأضافت: ""أولاد حريم كريم" يطرح موضوعات مختلفة ومهمة، وهي ليست تكملة لأحداث الجزء الأول"، مشيرةً إلى أنها في بداية المشروع كانت قلقة بعض الشيء بسبب غياب الكثير من الأبطال، لكنها أدركت في ما بعد أن الفيلم يتضمن نوعاً من الدراما مختلفاً عن دراما الجزء الأول.
وتابعت قائلة: "إحنا مش دايماً بنكون مبسوطين وبنهزّر في كواليس التصوير، ولا علاقة لها بالسوشيال ميديا، ومن الممكن أن يكون لدينا مشاكل في حياتنا الشخصية ولكن هذه طبيعة مهنتنا".
وكشفت بسمة أنها على الرغم من كونها شخصية خجولة وقليلة الكلام، إلا أنها كانت تشعر داخل الكواليس بكثير من الألفة والود بينها وبين فريق عمل الفيلم، مؤكدة أنه كان من أفضل الكواليس التي عاشتها في الفترة الأخيرة.
وتابعت: "يا جماعة ما تصدقوش إن إحنا لما بننزل نصوّر بنبقى طول الوقت بنهزّر ومبسوطين وفلافي كده، لأن إحنا بجد بنتعب جداً، إحنا بنصحى قبلكم وبنام بعدكوا، وعدد ساعات الشغل بتاعتنا أكتر من عدد ساعات شغلكم، وبنكون في ضغط نفسي علشان نكون جوه الشخصية، وبيكون عندنا مشاكل قد الدنيا في البيت ومُطالبين بمشاهد فرحانين فيها، أو عندنا فرح قد الدنيا ومُطالبين بمشهد نكون فيه مش سعداء، فإحنا شغلانتنا مش اللي أنتم شايفينه على السوشيال ميديا من برا، ومسيرنا في يوم ندخل في كواليس الأفلام ونشوف التعب اللي بجد".
واختتمت بسمة حديثها بالقول: "إحنا بيكون فيه لحظات بنضحك وبنهزّر فيها ودي اللحظات اللي بتطلع للناس، لكن حجم المجهود الحقيقي مش بيظهر للناس، إحنا حوالي 200 بني آدم بنشتغل بإدينا وسنانا علشان نطلع لكم العمل اللي بتتفرجوا عليه".
