إشترك
خلال لقائه مع الإعلامية سارة دندراوي ببرنامج "تفاعلكم" المذاع عبر قناة العربية، كشف الفنان أكرم حسني عن سب انسحاب المخرج محمد سامي من إخراج فيلمه "العميل صفر" بعد قيامه بتصوير أسبوع من العمل.
وقال أكرم: "فكرة الفيلم طلعت في جلسة بيني وبين محمد سامي في أحد المهرجانات، ولما رجعنا القاهرة كلمني وقال تعالى نقعد لإن خيوط الفكرة بدأت تكتمل، وقعدنا هو يقول فكرة وأنا أزود لحد ما بقى عندنا فكرة فيلم لذيذ".
وأضاف: "عرضنا الفكرة على المنتج والسيناريست وائل عبد الله وتحمس جدًّا، وصورنا حوالي أسبوع ولما جينا نكمل كان محمد سامي انشغل ومواعيده أصبحت لا تسمح".
وتابع: "استأذنا محمد سامي في ترشيح مخرج آخر ورحب جدًّا، وكلمنا حبيبي المخرج كريم العدل ورحب جدًّا بالعمل وبدأنا نشتغل، ودايمًا أقول إحنا خسرنا سامي وكسبنا كريم".
وتحدث أكرم عن أغرب المواقف التي قابلته خلال تصوير الفيلم في الغردقة حيث أكد أنه أصيب بحالة من الرعب أثناء تصوير بعض المشاهد في الغردقة، بعد ظهور القرش بأسبوع.
وقال: "صورنا في الغردقة بعد ظهور القرش بأسبوع، وأنا عامل فيها جريء لكن مرعوب في البحر، أبص يمين وشمال وأول ما يقولوا أكشن أحاول أنسى".
وسخر أكرم حسني من تعليمات التعامل مع القرش التي انتشرت عبر مواقع التواصل حينها قائلا: "شوفنا التعليمات على السوشيال ميديا، يعني إيه لو ظهر قرش أبص في عينيه!".
وعن مشاهد الأكشن التي صورها بنفسه في الفيلم قال: "بالعقل، أنا ممكن أعمل إزاي أكشن؟ أنا ساعات كنت محتاج بديل للأكشن وأنا طالع السلم".
وتابع: "عملت حاجات بسيطة زي القفز من اليخت في الغردقة والعوم، لكن في حاجات زي القفز من دور لدور دي محتاجة السقا يعملها، إحنا البني آدمين العاديين منقدرش".
