إشترك
خلال حلولها ضيفة على برنامج "كلمة أخيرة" الذي تقدمه الإعلامية لميس الحديدي على قناة ONE، كشفت الفنانة فريدة سيف النصر للمرة الأولى، قصة تعرضها للخيانة الزوجية مع أقرب صديقاتها، لافتة إلى أنها تزوجت في عمر الـ20 عامًا بسبب خوف والدها عليها من الفضائح والشائعات بعد دور الإغراء في فيلم 4-2-4.
وقالت: "بدلة الرقص اللي رقصت بيها في فيلم 4-2-4 كانت مكشوفة والدنيا اتقلبت عليَّ بعدها، بابا وقتها قال لي إنتي هتفضحينا؟! وبسبب كده خلاني أتجوز وأنا عندي 20 سنة، وخلفت محمد ابني، وفترة الجواز امتدت 8 سنين، ودي الجوازة الوحيدة اللي اتجوزتها، وكنا ننفصل ونرجع تاني".
وأضافت: "تعرضت للخيانة وصديقتي المقربة خطفت جوزي وهي كانت من خارج الوسط، اكتشفت الخيانة، وهو بيكلمها في التليفون، وسمعت وقتها أحلى كلام، واللى سمعته لا يمكن تحمله رُحت مبهدلاهم الاتنين، فطلع لي برة وقال لي إزاي تكلميها كدة؟! دي جزمتها برقبتك وضربني، وقتها أصريت على الطلاق وبعد ما انفصل عني اتجوزها".
ولفتت: "متجوزتش بعده لإني مبحبش التغيير، واتخطبت بعد الانفصال من رجل أعمال كبير بس مقدرتش أتجوز، وربيت ابني لوحدي واتربى مع إخواته من والده".
