علا رامي تفاجئ الجميع بسبب إنفصالها عن هذا الفنان

كشفت الفنانة علا رامي عن علاقتها بطليقها الفنان نادر أبو الليف، وسبب انفصالها عنه بعد قصة حبهما الشهيرة.

وقالت علا في تصريحات إعلامية إنها انفصلت عن نادر أبو الليف بسبب الجمهور، مضيفة: "الناس فرقت ما بينا، عشان شايفنا إننا مش شبه بعض.. الناس كانت بتقول إحنا بنحبك لوحدك وبنحب أبو الليف لوحده، مش السوشيال ميديا هي اللي اتحكمت إذا كنا نكمل ولا لأ.. إحنا سيبنا بعض عشان في تراكمات كتير حاجات بسيطة على حاجات بسيطة فبقت مشكله كبيرة، فقلنا كل واحد يروح لحاله أحسن".

واستكملت: "بنسأل على بعض لغايه دلوقتي وبنتكلم، وباركتله على جوازه وأطفاله.. وربنا يوفقه في حياته، مقدرناش نستمر مع بعض لظروف كتير".

وقالت علا رامي إن العلاقة بينها وبين أبو الليف انتهت وهما الآن أصدقاء فقط: "بدي فرصة واتنين وتلاتة وعشرة.. لغاية ما خلاص وبقلب الترابيزه وبكون استنفدت كل وسائل الصلح، وكان ظاهر قدام الناس إني بغير عليه، ولكن الحقيقة مكنتش كده، هو كان لسة صاعد وعنده حفلات، وفي الآخر ربنا يوفقه".

وكشفت علا، أنها تعرضت للخيانة على يد أحد أزواجها، وذلك بسبب تدخل إحدى السيدات والتي كانت تريد أن تكون في علاقة مع زوجها.

وقالت علا: "أيوة اتخانت.. وواحدة كلمته وهو متجوزني وقالها أنا متجوز قالت لأ هاجي واعملك مشاكل ويعني ايه تتجوز وتسبني، انسحبت بكل هدوء ومش بدخل في معارك.. حسيت إن ده موقف مش حلو، ويعني إيه يسمح لها تيجي بيتي".

مقالات ذات صلة

عمرو سعد يتحدّى: لا أحد يمكنه تقديم أدواري

مي عمر تكشف سبب غيابها عن مواقع التواصل الاجتماعي

علا رامي أبو الليف مشاهير الفن نجوم مصر