إشترك
خلال استضافتها مع الإعلامية سهير جودة في البرنامج الذي تقدمه على صفحتها الخاصة بـ"فيسبوك"، قالت هدى زوجة الفنان علي الحجار، على هامش حضورها حفله في الجامعة الأميركية، إنها دائمة التواجد في حفلاته ولا تترك حفلاً له إلا وتكون في الصفوف الأولى مع الجمهور.
وقالت: "طبعا موجودة ومقدرش أسيبه، وانا مثل الجمهور أحب استمتع بغناه، أنا باجي زي الناس لأن دي المتعة بتاعتي، وبعدين عشان أنا مراته بقى واقف جنبه وأشوف عايز حاجة كل شوية".
وأضافت أنها تحب كل أغاني على الحجار، ولكن هناك أغاني مميزة تحب أن تسمعها، منها؛ (عارفة) وعاكسني بيها في بداية معرفتنا، و(انتي طلعتيلي منين) عشان غناها لي لكنه قدمها من قبل وشعر أنها لم تأخذ حقها فقام بتجديدها وغناها لي، وأغنية (بطلة حكايتي)".
وكشفت هدى عن كواليس لقائها بزوجها علي الحجار، قائلة: "كنا صحاب في البداية وهو كان صديق زوج صاحبتي، وحصل تواصل بينا في أول مرة شوفنا بعض، ومكنش حب من أول نظرة، إحنا قعدنا صحاب لمدة سنة تقريباً، صحاب بس، وحصل الزواج بعد سنة من تعارفنا".
وعن مدى قلقها من الارتباط من الحجار بالرغم من تعدد تجاربه، قالت إنها لم تخش من ذلك، فلقد عرفته وهو منفصل، واتخذ قراراُ بالعزوف عن الزواج، قائلة: "قبل ما نتجوز فضلنا صحاب فترة، وعرفته على حقيقته، هو مش عشان ارتبط كتير يبقى مزواج، لا هو شخص طبيعي حظه مش حلو زيه زي أي شخص في الدنيا، وهو كشخصية مفهوش عيوب تخليني اخاف منه، وسنوات زواجنا العشرين أثبتت صوابي".
وتابعت أن زوجها شخص هادئ بطبعه ومسالم وليس لديه طلبات، مشيرة إلى أنه جعلها تحب عمله وتحترم مواعيد عمله مثل قدر حبها له، فهذا الأمر جعل بينهما هدوءاً وسلاماً.
وأكدت هدى أن علي الحجار في بداية زواجهما لم يكن يتذكر المناسبات العائلية بينهما، لكن بعد ذلك أصبح يتذكر تواريخ كل مناسباتهما الخاصة: "بقى يحفظ التواريخ أكتر مني واتغير كتير جدًا وبقى رومانسي أوي".
وتحدثت زوجة علي الحجار عن دعمها له في أزمة مشروعه "100 سنة غنا"، قائلة: "أي حد يتخيل نفسه عنده مشروع مهم وبيحضر ليه وقاعد يشتغل عليه طول العمر، وفجأة حد يروح طالع بيه وعايز ينجح بيه واللي حواليه يدعموه بيه".
مضيفة: "يعني وجع قلبه عنده حق، وهنفضل وراه لغاية ما ياخد حقه، علي لا بيخاف من حاجة ولا بيعمل حساب لحاجة إلا لربنا وشغله وضميره، مش هيضر ومش هيأذي".
