إشترك
حلّ الفنان سليمان عيد ضيفاً على برنامج "كلام الناس" الذي تقدمه الإعلامية ياسمين عز على قناة mbc مصر، حيث كشف عن حقيقة وجود خلاف بينه وبين الفنان أحمد السقا، مشيرًا إلى أن علاقتهما جيدة وأنهما عشرة عمر وبينهما الكثير من الذكريات ولكن الحياة مشاغل.
وقال: "مفيش خلاف بيني وبين أحمد السقا والكلام ده مش حقيقي، وهو كان بيعمل سيدتي الجميلة وكان معاه علاء مرسي وعلاء كان عنده ظروف وارتبط بحاجات تانية فكلمني أيمن بهجت قمر وطلبني أقدم الدور لإن علاء سابه ووافقت، ولكن لما ظروف علاء اتحسنت رجع للدور وسبته".
وأضاف: "أنا مش بحب أكلم حد كتير بدون سبب ومش بحب لما أكلم حد ما يردش عليا، ويمكن زمان مردش عليا مرة ومفيش حاجة بيني وبينه وهو استقبلني حلو جداً في المسرحية ورجعت علاء للدور لما ظروفه اتحسنت".
وتابع: "مش بحب أكون مزعج لصحابي وفي العيد بكلمهم وفيهم اللي بيرد وفيهم اللي مش بيرد واللي مش بيرد مش بزعل منه واللي بيرد بعزه جدًا وبكون فرحان ومش بكون عاوز حاجة من حد خاصة لو كنت قاعد في البيت مش بشتغل، وأنا صاحب نجوم من أيام عادل إمام لحد أصغر الأجيال وعمري عمري ما قلت لزميل عاوز أشتغل".
واستكمل: "أحمد عشرة عمر وذكرياتنا مش بتتنسي والحياة مشاغل وحياتنا شغل ومن فترة قريبة كنت عاوز أروح لدكتور العيون صاحبه وصاه عليا وصاحبي جدًا".
