بوسي تضع حداً للإتهامات بشأن والدها الراحل.. وهذا ما قالته عن والد إبنها

أثارت المطربة بوسي ضجة كبيرة بتصريحاتها الصريحة والعفوية حول حياتها الشخصية والفنية وأكدت عدم شعورها بالذنب بعد وفاة والدها وغيابها عن حضور جنازته.

وأكدت خلال حوار ببرنامج "حبر سري"، أنها علمت بخبر وفاة والدها بعد دفن الفقيد بيومين وقالت: "ساعة وفاة أبويا كنت تعبانة وعندي نزلة معوية وقافلة تليفوني، وكنت معلقة محاليل، ومحدش كان عارف يوصللي، وعرفت بعدها بيومين".

وأضافت: "كنت مريضة، وبعدها فتحت الهاتف ووجدت الرسائل وتم إخبارها بعمل جنازة والعزاء، قائلة: "سألت لو عليه ديون لحد يبلغوني أدفعها، وعرفت إنه مش مديون".

وتابعت: "كنت بشوف أبويا لما بنزل الزقازيق، وكنت بقالي فترة مشوفتوش، ممكن سنين بس مش طويلة، وكان نفسي أكون جنبه قبل وفاته، ولكن هو طول الوقت مكانش موجود، ومش حاسة بالذنب تجاهه وعمري ما قصرت معاه".

ونفت كذلك خضوعها لأي علاج نفسي بعد أزماتها الأخيرة، وقالت إن "المرض النفسي زي أي مرض، وكلنا جوانا حاجات محتاجة دكتور نفسي، وأكيد نفسي أروح لدكتور نفسي ولكن الدكاترة قليل لما تلاقي حد تثق فيه، لكن عمري ما رحت لطبيب نفسي".

ورداً على اتهامها بمنع طليقها من رؤية ابنه، قالت بوسي: "مش مانعة طليقي يشوف ابنه بالقوة، وهو مش بيشوفه عشان مش بيسعى لده، وهو بيقول للناس إني مانعاه، ولكن عمري ما أمنع ابن يشوف أبوه، وابني مطلبش يشوف أبوه ولا أبوه طلب، ومش بيصرف عليه وأنا اللي متكفلة بيه من يوم ما اتولد حتى الآن".

مقالات ذات صلة

أمير طعيمة يسجن أم أولاده!

مفاجأة كبيرة في قضية سرقة شقة زوجة خالد يوسف

بوسي مشاهير الفن نجوم مصر