إشترك
خلال استضافتها في برنامج "حبر سري"، الذي تقدّمه الإعلامية أسما إبراهيم عبر قناة "القاهرة والناس"، كذّبت المطربة بوسي تصريحات طليقها بأنه أنتج لها أغانيها أثناء فترة زواجهما، وأنفق عليها مبالغ مالية كبيرة.
وقالت بوسي: "طليقي بيقول صرفت عليها، جيبوا صوري زمان وشوفوا منظري، ده مش منظر واحدة مصروف عليها الأرقام اللي بيقولها". وأضافت: "أنا كنت ست وراجل البيت وصرفت وعملت كل حاجة، حتى الأغاني من فلوسي، لكن كان كاتب التنازلات باسمه ويقول من إنتاجي".
ورداً على سؤال هل تخجل من تلك الفترة؟ قالت بوسي: "أنا مش بتكسف من أي مرحلة في حياتي، إحنا مش مولودين في بقنا معلقة دهب، وشرف لي إني شقيت ووصلت".
وعن سبب تصريحات طليقها بأنه أنفق عليها مبالغ مالية وأنتج أعمالها، قالت: "هو كان مدير أعمال زوجته الأولى أم بنته، وكانت ست شغّالة في المجال واعتزلت ولبست نقاب، وكان مدير أعمالي قبل ما نتجوز". وتابعت: "إتجوزنا في أول شغلنا مع بعض، وكمدير أعمالي كان المفروض ياخد نسبة، لكن كان بياخد الفلوس اللي المفروض أنا آخدها ويدّيني النسبة".
وعن علاقتها بزوجها، قالت بوسي إنه الشخص الوحيد الذي تلجأ إليه عندما تشعر بأنها لم تعد قادرة على تحمّل المشاكل التي تتعرّض لها بسبب أقرب الناس إليها. وأضافت: "بعيّط في حضن جوزي كتير بسبب اللي بتعرض له، حاجات كتيرة على نفسيتي وأعصابي، بالذات من أقرب الناس لي... ربّنا مش بيدي حاجة لحد إلا لو هو قدها، لكن ممكن في وقت تتعبي من أقرب الناس، لما تدّيهم وهم وحشين معاكي".
وأردفت بالقول: "إحنا متعودين على متاعب الشغل، لكن في حاجات أسوأ بكتير تخليكي تتعبي من الحياة كلها، وجوزي بيصبّرني عليها".
وجاءت استضافة بوسي في البرنامج بعد ساعات من صدور قرار النيابة العامة في جنوب القاهرة بحبس زوجها هشام أربعة أيام على ذمة التحقيق في واقعة اتّهامه بالاستيلاء على ثمانية ملايين جنيه من طليقها، وأمرت بسرعة التحريات حول الواقعة.
