هند عاكف تتحدث عن أدوار الإغراء.. وهذه خطوطها الحمراء!؟

أعلنت الفنانة هند عاكف عن موقفها في الوقت الحالي من أدوار الإغراء التي كانت تعرض عليها في بداية حياتها الفنية، كما كشفت عن اختلاف خطوطها الحمراء خلال أعمالها الفنية في الماضي والآن، مؤكدة أنها كانت ترفض تقديم مشاهد الإغراء ولكن هذه المشاهد ليس لها وجود في الوقت الحالي سواء بالسينما أو الدراما.

وقالت هند: "أنا دؤوبة جدًا وباختار أعمالي بدقة، ولما ييجي العمل المناسب والدور المناسب أكيد مش هتأخر وأكيد هشتغل، المهم يكون عمل كويس وبيناقش قضية والإنتاج يكون كبير علشان تبقى فعلًا ناجحة، ويكون النص حلو والمخرج كويس.

وتابعت: "الفنان بيعمل كل الأدوار والحاجة الوحيدة اللي مكنتش بحب أقدمها هي أدوار الإغراء ودلوقتي مبقتش بتتعمل، أنا الحمد لله كانوا زمان بيقولوا هند عاكف جوكر بتعمل كل الأدوار ولكن المهم يكون دور حلو وقوي ومكنش خجلانة وأنا بقدمه".

وأضافت: الخطوط الحمراء مبقتش موجودة دلوقتي اللي كنت برفضه زمان أدوار الإغراء والمشاهد الساخنة، والخط الأحمر بالنسبة ليا إني أقدم دور يسيء للمجتمع".

يذكر أن هند عاكف كانت قد تعرضت مؤخراً لحادث السير حيث علقت عليه بقولها: "والله ربنا اللي حماني من الحادث والتجميل اللي حصل من عند ربنا مش مني أنا، وربنا حماني وخلاني على قيد الحياة، وبشكر كل زملائي والإعلاميين اللي سألوا عليا والصحفيين أصدقائي اللي طمنوا الناس عليا".

واستكملت: بشكر زملائي الفنانين واللي كلموني منهم الدكتور أشرف زكي والفنانة نهال عنبر، ومنال سلامة، عبير منير، أمل رزق، وفاء مكي، ناس كتير مش عايزة أنسى حد، والحمد لله أنا سعيدة بحب جمهوري وزملائي ليا".

مقالات ذات صلة

أحمد حلمي يطلب مساعدة جمهور المغرب

دنيا عبد العزيز تُرزق بأول مولودة لها

هند عاكف مشاهير الفن نجوم مصر