إشترك
حلّت الفنانة وفاء عامر ضيفةً على برنامج "كلام الناس" الذي تقدّمه المذيعة ياسمين عز عبر شاشة mbc مصر، حيث كشفت حقيقة خلافاتها مع الفنانة منة فضالي بعد انتشار أخبار عن منع الأخيرة لها من المشاركة في أحد الأعمال الفنية، بالإضافة إلى دفاعها عن مقدّمة البرنامج، موجهة إليها رسالة دعم.
في بداية حديثها، أشادت وفاء بأداء منة فضالي في مسلسل "جعفر العمدة"، واستبعدت أن تكون قد قصدتها بحديثها عن وقوفها وراء استبعادها من أحد الأعمال الفنية. إذ قالت: "محدش يقدر يستبعدني غير ربّنا سبحانه وتعالى، والشغل ده رزق، وحتى لو في وقيعة وأنا زعلانة معاكي هل من الشرف إني أستبعدك؟".
وأضافت: "من الشرف والأمانة والدين إني أساعدك تاكلي عيش وتفتحي بيت، ولو استبعدتني في عمل هي فيه يبقى شكراً ليها، وأنا كتبت عنها إنها عملت خطوة حلوة مع محمد سامي في مسلسل "جعفر العمدة"، ومش هغيّر كلامي".
وفي سياق دفاعها عن ياسمين عز، قالت وفاء: "ياسمين مش ضد المرأة، ولكنها مع العمار، ومع بناء البيوت ومع الست طويلة البال، ومع الست اللي تربينا وطلعنا لقيناها، الست خلقت من ضلع الرجل اللي هو قريب من القلب، وكان ربّنا يقدر يخلق الست من رجل الراجل علشان يدوس عليها".
وأضافت: "ياسمين عز مع الست اللي لما تحترم الراجل هيحترمها، لما يكون لها ملك يستحق تكون له ملكة، لما يكون لها أمير يستحق تكون له أميرة، ومش قاصدة إهانة للمرأة، ياسمين عز ضد إنه يكون فيه طلاق وتفسخ مجتمعي وعش مهجور وبيوت مهدومة".
وتابعت موجهةً حديثها إلى ياسمين بالقول: "أنا بشكرك لأن ده هو المقصد اللي دخل قلبي، وأي حد يتنمر براحته ولكن إحنا هنفضل نبني وهنفضل نقول للست تعامل جوزها إزاي وتحضتنه، ولو قالت له كلمة حلوة هيبقى هو عاوز يرضيها، والراجل له قوامة في كل حاجة في شجاعته وفي إحساسه بالمسؤولية، فلما الست تحتضن كل ده وتبتسم في وشّه وتقول له دوس على السرير واعمل اللي أنت عاوزه أكيد هيبستم وهتنزع منه كل حاجة وحشة جواه فيا ريت نبطّل تنمّر ونفهم بس".
واختتمت وفاء عامر حديثها مؤكدةً: "فيه نوعية من الستات مش كل الستات لو عندها لمبة في البيت اتحرقت أو مشحنتش كهربا تفضل مخلية البيت ضلمة لحد ما الراجل يجي يبقى هو اللي بيغير اللمبة، فهو بيحس إنها محتجاله طول الوقت وفي ست مسترجلة وبتعمل كل حاجة بنفسها، لازم يبقى فيه وسط".
