إشترك
خلال مداخلة هاتفية مع برنامج "ملفات" الذي تقدّمه الإعلامية أميرة بدر على قناة "هي"، علّق الفنان مصطفى كامل نقيب الموسيقيين على أخبار ترشح المطرب شاندو الى منصب نقيب الموسيقيين في الدورة المقبلة.
قال نقيب الموسيقيين: "شاندو عضو منتسب مش عضو جمعية عمومية وعشان يترشح لازم يكون عضو جمعية عمومية لذلك فهو لا يصلح، ولقيته باعتلي رسائل دعم وإشادة بمجهودي وقولتله الله يحفظك. وأي زميل حابب يدخل في مهاترات التريند أنا مش هشارك معاه، وأي زميل عايز يترشح يتفضل النقابة العامة مفتوحة للجميع".
وأضاف: "زوّدنا المعاشات بنسبة عشرة في المئة للمرة التالتة على التوالي في سبعة شهور، وفتحنا باب الترشح للدورة المقبلة بدري من ١١/٦ وحتى ١/٨ عشان المرشحين يعملوا جولاتهم الانتخابية براحتهم، لأن قبل كده كان الوقت بيكون محدد وبيكون في تضييق عشان مرشحين بعينهم يكسبوا".
وكشف مصطفى كامل عن موقفه من الترشح الى منصب النقيب قائلاً: "لسه مش عارف هترشح ولاّ لأ، إحنا أخدنا قرار بفتح باب الترشح ولكن مخدتش قرار بدخولي الانتخابات ولا لأ". وأضاف: "أقسم بالله لو لقيت زميل يليق بكرسي النقابة أكتر مني، والله مش هترشح وهأدعمه".
