ميار الببلاوي تعلن مقاضاة وفاء مكي بعد اتّهامها بالكذب

10 أيار 2023 | القاهرة – "لها"

ميار الببلاوي

منشور ميار الببلاوي

كتبت الفنانة ميار الببلاوي عبر حسابها الخاص في "فيسبوك" منشوراً جديداً أعلنت فيه نيتها مقاضاة الفنانة وفاء مكي، بعد اتّهام الأخيرة لها بالكذب في أزمتها معها.

وقالت ميار في منشورها: "يعني البنت مشيت من عند وفاء خلصانة وهي اللي رمتها، وأختها هربت تاني يوم يبقى كلام الشاهد مظبوط يا ناس، ويبقى البنات جولي قبل ميروحوا عندها".

وأضافت: "أنا لو كنت قلت اللي أنا كنت فاهماه غلط ساعتها كنت هتحاكم، زي الفنانين الي اتهموا بالشهادة الزور، وفعلاً ولا كان كلامي هيقدّم ولا هيأخر... طيب ليه الست وفاء مطلبتنيش للشهادة؟، وده اللي اتقلي لو محامين وفاء شايفين إن فيه أي ثغرة، كانت طلبتني للشهادة، وبالنسبة لجزئية إني طلعت عينهم علشان أقول الكلام اللي عندي، فأنا قلته بمنتهى الشفافية. هل مطلوب مني ألفّ على كل القنوات والمواقع علشان أقول حاجة لا هي دليل براءة، ولا معايا أي دليل خالص؟! لما شفت التحقيقات وسمعت شاهد العيان، ربطت الأحداث وعرفت إن الحمد لله البنات نزلوا من عندي لعند وفاء مش العكس، يعني واقعة التعذيب مؤكدة بعد ما كانوا عندي مش قبل، وبكده يبقى الست مذنبة، والمحكمة والمباحث والطب الشرعي لا غبار عليهم".

واختتمت ميار الببلاوي منشورها بالقول: "سبحان الله مش حق وفاء اللي رجع، حق البنتين اللي شافو قمة العذاب، وربنا يفكّهم من رقبتي إنما الأستاذة وفاء واللي طالعة في كل مكان تشوّه صورتي، وتبيّن إني كتمت شهادة، كذابة وبيني وبينها القضاء العادل".

وخلال الأيام الماضية، أُعيد فتح ملف قضية الفنانة وفاء مكي إعلامياً، بعد صدور حكم عليها منذ أكثر من 23 عاماً بالسجن عشر سنوات بتُهمة تعذيب خادمتين كانتا تعملان لديها.