إشترك
كشفت الفنانة فريدة سيف النصر خلال حلولها ضيفةً على برنامج "مساء DMC"، الذي تقدّمه المذيعة إيمان الحصري على قناة dmc، عن سعادتها الغامرة بنجاح دورَيها في مسلسلَي "جعفر العمدة" و"عملة نادرة"، اللذين عُرضا في الموسم الرمضاني 2023.
وتحدثت فريدة عن تعاونها مع المخرج محمد سامي في مسلسل "جعفر العمدة"، قائلةً: "محمد سامي معرفهوش وأول مرة أشتغل معاه، وقولتله انت الكاتب وجايبني ليه ضيفة شرف وليه مُصرّ عليَّ؟ قالي كنت عايز حد محترم ميهزّأش نفسه وتقيل، قولتله جايبني تهزّأني، وضحك، والجمل اللي في المسلسل من غير قصد، ورجلي كانت وجعاني ومش قادرة أنزل السلم في المسلسل".
وأضافت: "أولاً أنا بشكر شركتنا المتحدة، مش نفاق، معروف عني إني قطر، لكن هما ألقوا الضوء على شغلنا، وناس بتدّينا حقنا، بالنسبة لعملين محمد العدل بوجهله الشكر".
وأردفت بالقول: "ماندو العدل أصر عليَّ للمشاركة في مسلسل "عملة نادرة"، عمري ما قولت لحد عندك شغل إيه".
واختتمت فريدة سيف النصر حديثها بالقول: "إخواتي عينهم زايغة، ومقدرش أقول لماما لأ، وكانوا بيتجوزوا وأنا بربّي العيال، وأنا بحب العيال، أنا بيبي سيتر كنت في المسرح بالإسكندرية، وأنا الوحيدة اللي بخلص المسرح وبروح على الفندق، والفنانين كانوا عايزين يخرجوا، ولاد محمود عبد العزيز، وولاد الفيشاوي، مي وسارة ولاد نور الشريف، دنيا سمير غانم، والمطربة شذى، وأنا كنت أقعد بكل دول".
