رضوى الشربيني توّجه رسالة ساخرة لحسن شاكوش: "كده تطرد بنت الجيران"

نشرت الإعلامية رضوى الشربيني على حسابها الخاص بـ"تويتر" صورة لمطرب المهرجانات حسن شاكوش مع زوجته ريم طارق، وصورة أخرى لريم وهي ساجدة في حفل زفافها، وعلقت على حالة الجدل التي تصدرت مواقع التواصل الاجتماعي بعد تحرير زوجة شاكوش محضرًا ضده تتهمه فيه بطردها من المنزل في وقت متأخر من الليل، داخل أحد الكمبوندات الشهيرة بمنطقة أكتوبر، والاستيلاء على منقولاتها الزوجية وشبكتها، وأيضًا إيصال أمانة لصالحها بديل مؤخر الصداق.

وقالت رضوى في تغريدتها ساخرة: "كدة يا حسن تطرد بنت الجيران بعد ما سجدت لربنا سجدة شكر قدام الناس كلها علشان اتجوزتك وكمان تدخلها القسم بعد شهرين جواز يا راجل!، تقديرك للراجل اللي معاكي بيتبني بالمواقف والعشرة ودول الإثبات الوحيد ف ما تسبقوش الأحداث... وتقديرك ليه مش معناه إنك تتنازلي أو تقللي من نفسك علشانه، الله يكون فى عونها".

وكانت رضوى علقت على السجدة التي قامت بها زوجة حسن شاكوش وقت حفل زفافهما في آذار (مارس) الماضي، والتي أثارت ضجة كبيرة وقتها عبر مواقع التواصل الاجتماعى، وعلقت وقتها قائلة من خلال برنامجها "هي وبس": "كل واحد من حقه يعبر عن فرحته بالطريقة اللي تعجبه، تعليقي أنا على الواقعة بعيد عن ريم طارق إنه إزاي أنا واحدة ست هانم انزل على ركبي ومنها على الأرض قدام الناس بفستان الفرح ميصحش، وأنا كأنثي بأقول لا، ومشكلتنا والخوف لو تحول الأمر إلى تريند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها".

وتابعت رضوى: "ياريت يا بنات متعملوش كده أبدًا، لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي".

مقالات ذات صلة

رضوى الشربيني وابنتها عن طلاقها: "كويسين كده"

إلزام حسن شاكوش بدفع مليون جنيه إلى طليقته ريم طارق

رضوى الشربيني حسن شاكوش