محمد محمود عبد العزيز يدافع عن إبراهيم عيسى بعد انتقادات "حضرة العمدة"

دافع الفنان محمد محمود عبد العزيز، عن الكاتب إبراهيم عيسى، في ظل الهجوم الدائم عليه قبل عرض مسلسل "حضرة العمدة"، الذي لاقى انتقادات عدة، بسبب تخيل البعض أنه سيتحدث في الدين والإسلام.

وقال عبد العزيز خلال حلوله ضيفاً في إحدى الندوات الفنية: "مفيش حد هتكون بتقبله أو بترفضه طول الوقت، وأي حد في الدنيا هتكون معارضه طول الوقت، لازم هتصادف وتكون معاه في عمل معين، وإبراهيم عيسى اتكلم في مليون موضوع بس الناس مصرة تمسك في كام موضوع هو اتكلم فيهم ويطلعوه بيهم على المسرح".

وأردف قائلاً: "ممكن يكون إبراهيم عيسى عنده جرأة معينة تخصه هو في وجهة نظره، بس أنت مش لازم تاخد بيها، واختلافي أو اتفاقي معاه لا هيزوده ولا هينقصه".

وتطرق الى الحديث عن دوره في مسلسل "حضرة العمدة"، كاشفاً أنه لم يقلق من المشاركة في عمل من تأليف إبراهيم عيسى، حيث قال: "مقلقتش من المشاركة في عمل من تأليف إبراهيم عيسى، لأن أنا المفروض أخاف أو أقلق من الممثل اللي هشتغل معاه، أنا عارف أنا هقدم إيه، والناس كلها قالت إبراهيم عيسى هيخبط في الدين والإسلام بس طلع مفيش تخبيط خالص، هو فيه نموذج سيئ لشخص بيتمسح في الدين ومدعي التدين، وبدأ يترد عليه بظهور الشيخ الوسطي الأزهري اللي مسك الجامع، إذا إحنا قدمنا النموذجين من الشيوخ.

مسلسل "حضرة العمدة" من بطولة: روبي، بسمة، إدوارد، دينا، وفاء عامر، حسام داغر، وآخرين، وإخراج عادل أديب.

مقالات ذات صلة

عمرو سعد يتحدّى: لا أحد يمكنه تقديم أدواري

مي عمر تكشف سبب غيابها عن مواقع التواصل الاجتماعي

محمد محمود عبد العزيز نجوم الفن إبراهيم عيسى مسلسل حضرة العمدة