بعد وقوعها ضحية لمقلبه... نسرين أمين تكشف حقيقة خلافها مع رامز جلال

31 آذار 2023 | القاهرة – "لها"

نسرين أمين

رغم الأخبار التي انتشرت خلال الفترة الماضية عن حدوث خلافات بين الفنانة نسرين أمين والفنان رامز جلال، ظهرت نسرين في برنامجه لتكون الضحية الجديدة في برنامج المقالب "رامز نيفر إند"، الذي يقدّمه رامز خلال شهر رمضان 2023.

وكشفت نسرين خلال الحوار مع مذيعة البرنامج قبل بدء المقلب، عن عدم قدرتها على الطبخ داخل المنزل، حيث قالت: "أنا مبطبخش بشتري الأكل الجاهز، وبنتي بتاكل بره"، ليعلّق رامز جلال ساخراً: "إيه الأسرة المفكّكة دي!"... وعن الأكلات المفضّلة بالنسبة إليها، قالت نسرين: "بحب السوشي والبيتزا والملوخية".

وخلال تنفيذ مقلب الغسالة، نطقت نسرين الشهادة قائلةً: "إيه اللي حصل، إيه اللي بيحصل ده، الحقوني، أشهد أن لا إله إلا الله".

وسخر رامز من نسرين أثناء تقديمه لها في البرنامج قائلاً: "حسين فهمي من ساعة ما عمل "يا واد يا تقيل" الدور لزق فيه، الست اللي جايلنا النهاردة عملت دور المرأة اللعوب وأتقنته، عملت دور فتاة ليل أو رقاصة أو ركلام ولزق فيها والناس مش شايفينها غير في الأدوار دي، حبت تغير وتعمل كلاس قلبت منها رز على قلقاس، بلطية الشاشة العايمة نسرين أمين".

وبعد أن اكتشفت نسرين المقلب، قالت لرامز: "دمك تقيل أوي، فين التور، لا إيه ده بقى إنت قولي، كنت هموت، لو أنا استحملت مش أي حد يستحمل، هدخلك جوه إنت والتور، أول مرة آجي الرياض، وأي حد يسألني هدّيله نمرتك، وهدّي نمرتك لكل الناس".

وبعد انتهاء الحلقة، نشرت نسرين أمين صورة جمعتها مع رامز جلال من كواليس الحلقة، كشفت من خلالها عدم صحة الأخبار التي تم تداولها عن حدوث خلافات بينهما، قائلةً: "كل اللي اتقال إشاعات، أنا ورامز إخوات".