إشترك
علّقت الإعلامية رضوى الشربيني عبر برنامجها "هي وبس" الذي تقدّمه على قناة cbc سفرة، على رسالة لأحد الرجال من متابعي البرنامج يتساءل فيها عن سبب مهاجمتها للرجال الخائنين.
وأكدت رضوى أهمية الرسالة والردّ عليها، خاصة أنها نصت على أنه كرجل لا يخون إلا إذا تعرّض لضغط إغراء شديد من امرأة، أو ضحكت عليه... مشيراً إلى أن "البحر يحب الزيادة".
وردّت عليه رضوى ساخرةً بقولها: "كلنا عارفين إن الرجالة بتخون، يا إما فيه راجل فرفوش بيحب الستات، يا إما مبدأه التعدد، ولكن إنه يخون تحت ضغط دي أول مرة أسمعها، فلو فيه أي واحدة بتتحرش بيك، أو شربتك حاجة صفرا وبتضغط عليك بطريقة معينة، روح بلّغ عنها وماتحطش نفسك تحت أي صغط".
وأضافت: "قانون التحرش مش للستات بس، للرجالة كمان، روح بلّغ عنها وإحنا كلنا في ضهرك، وأوعي تتكسف على فكرة، لكن فكرة إن البحر يحب الزيادة فأحب أقول لحضرتك إننا في 2023 الحكاية بقت معكوسة عشان الرجالة بقت عاملة زي بوفيه الأكل المفتوح اللي الأكل بقاله من 4 لـ 5 أيام عليه، كل واحدة تعدي تأكل وتمشي وفيه اللي بطنها بتوجعها فمش بتكرر الأكل منه مرة تانية، وفيه اللي متعودة على الأكل الحمضان ده".
واختتمت الشربيني حجيثها بالقول: "لو الضغوط دي لأن أنت زي الطفل مع الستات اللي بيمارسوها عليك، فأشمعنى بتتحول لراجل على مراتك وتفضل تشخط وتزعق وتجعر والجيران يفضلوا يسمعوك، واللا ماما طلعتلك أن ألف مين يتمناك، كده روح اتعالج عشان تكون راجل مش متاح أو محترم احتمال برضة... على فكرة أنا مش بهاجم الرجالة الخاينة، عشان مش هيستحملوا مني دقيقتين أتكلم عليهم، أنا بس بيتطلب مني أعلق على حاجة من حد أو حد بياخد رأيي مش أكتر".
