بالفيديو - ياسمين صبري: "أنا أول واحدة في مصر تعمل أكشن حقيقي"

خلال لقائها ببرنامج "theinsider بالعربي" على هامش تواجدها في دبي لحضور مهرجان علامة كارتيه للمجوهرات، كشفت الفنانة ياسمين صبري، عن أحدث أعمالها السينمائية بعد غياب طويل عن الساحة الفنية، مؤكدة أنها تستعد لبدء تصوير أول مشاهدها بالفيلم الجديد.

وقالت ياسمين صبري،: "إن شاء الله فيه فيلم جديد أكشن كما يقول الكتاب، وهابقى من خلاله أول ممثلة مصرية تقدم أكشن حقيقي".

وتابعت: "أنا حاليًا بتدرب تدريبات خاصة عشان هيتم تصوير مشاهد كتير ليها علاقة بالقتال والضرب، وفيه إمكانيات كتير أوي هتتوفر للفيلم أعتقد أول مرة يتم استخدامها في مصر".

وعن أعمالها الأخرى، قالت ياسمين صبري: "أنا بشارك في فيلم أبو نسب، وأول ما أنزل من هنا هروح على التصوير على طول، وإن شاء الله يعجب الناس".

وأضافت كاشفة بعض تفاصيل فيلم أبو نسب: "الفيلم كوميدي وفي نفس الوقت هيكون فيه رسالة، هو دمه خفيف وفيلم للعيلة كلها يعني اللي عنده سبع سنين هيتبسط واللي عنده 77 سنة هيتبسط".

كتابة: القاهرة – "لها"