رسالة دعم من تامر حسني لحلمي بكر في وعكته الصحة

نشر الفنان تامر حسني عبر خاصية القصص المصورة الملحقة بحسابه الخاص في "إنستغرام" صورة للموسيقار حلمي بكر وهو في المستشفى لدعمه في وعكته الصحية، متمنيّاً له الشفاء العاجل.

وكتب تامر معلقاً على الصورة: "ألف مليون سلامه عليك يا أستاذ حلمي يا كبيرنا، شد حيلك طول عمرك قوي، إن شاء الله شدّة وتزول، دعوات الكل في ضهرك يا محترم".

وكان تامر قد أعلن من خلال منشور عبر حسابه الخاص في "فيسبوك"، أنه بدأ منذ عام دراسة علم النفس وبعض العلوم الأخرى، قائلاً: "صباح الفل على أحلى ناس، في الحقيقة أنا بقالي سنة مركّز جداً وبدرس بعض العلوم ومنها علم النفس وعلوم أخرى".

وأضاف: "المهم أنا عارف إن كتير منا جواهم عادة سيئة أو ذنب مواظب عليه أو طريقة حياة مضايقاه بشكل عام أو قرار مش عارف ياخده زي يبطل حاجة، يخس، يتخن، في النهاية إحنا هنقف قدام (قرار صارم)، خد قرار صارم".

وأردف بالقول: "حط حاجة مفيدة تشغل لك وقتك متسيبش نفسك للفراغ أبداً، المهم أوي بقى عدد الأيام اللي الانسان بيحتاجها للتغيير باستثناء إن في ناس بيقاوموا عادات لسنين عشان دا زي مابقول انه نسبي، العلم أثبت بالتجارب إن الناس أكيد بينهم تفاوت نسبي حسب ظروفهم ومعيشتهم واللي اتعودوا عليه طول حياتهم. في ناس عشان تبطل شيء أو تواظب على شيء هتحتاج ١٨ يوم وفي ناس ٦٦ يوم يعني لو أنت جيت عند اليوم الـ١٨ لقيت نفسك لسة مش قادر، لازم تكمل عشان كده معناه إنك من الناس اللي هتحتاج الـ٦٦ يوم ويعني مش هيضر لو حسيت إنك محتاج شوية وقت كمان كمل شوية كمان بس متضيعش مجهودك اللي فات يا بطل".

واختتم تامر حسني نصائحه بالقول: "ساعتها هتبقى فخور بنفسك وروحك المعنوية في السما هتلاقي نفسك أقوى وتفكيرك أجمل بكتير فهتقدر تكمل وإنت مبسوط إن شاء الله، يلا نبدأ حالاً على نهار ربنا الجميل".

مقالات ذات صلة

خاص لها - إلهام شاهين تكشف سر خسارة وزنها ووجود قصة حبّ في حياتها

خاص لها - رانيا فريد شوقي تكشف سبب ابتعادها عن السينما

تامر حسني حلمي بكر نجوم الفن