نجوم سورية يهاجمون مدوّناً "يشحد من أجل الترند"

هاجم عدد من الفنانين السوريين أحد مدوّني السوشيال ميديا بسبب سلوكه الذي وصفوه بالـ"شحادة" و"البحث عن التريند"، عقب إطلاقه تحديات لنجوم لبنانيين ليتبرّعوا لبلاده المنكوبة بالزلزال بحليب الأطفال، على غرار هيفاء وهبي وسيرين عبد النور.

وقالت الممثلة تولاي هارون: "ماجد العجلاني بكفّي بدك "تريند" على حساب الوجع والقهر عم تصطاد وجعهن ليكبر اسمك. وين وزارة الإعلام منك ومن أمثالك؟ وين في ناس على الأرض عم تشتغل بترفع الراس شباب وصبايا شفتن وشفت شغلهن ما عملو اللي عملتو حضرتك. منطالب وزارة الإعلام توقيف نشر هيك أسلوب من الشحادة. سوريا موجوعة وإنت هنت كرامتها بأسلوبك القذر. سوريا بريئة منك عيب عليك بكفّي".

وعلّق الممثل فادي صبيح الذي قاد أكثر من حملة إغاثة وتكفّل بعدد ضخم من المساعدات: "عم يشحد ماجد العجلاني مثلاً؟ حدا يخبرو للمدعو ماجد موقت الترندات يأجّلها ليطلع مع شي منتج بسيط وعفوي يا عيب الشوم". وأضاف: "هاد السلوك بيشبهو لحالو، وبيمثّلو لحالو، سلوك فردي مشين".

وكتب الممثل طلال مارديني: "تحدي؟!!! هاد اسمو إحراج، يلا نوقف ع وجع وتعب الناس ونلعب ألعاب محرجة ونعمل ترند ونحرج الناس من دون ما نعرف ظروفها!! اللي بعدها تعال نلعب لعبة الصراحة بس مو من فوق الأنقاض من تحتها!! التبرع ما بدو تحديات وإحراج الناس مش صح يا ماجد وتبقى قول للوزير اللي عم تتشكرو إنو يأمّن علب الحليب لأن هدول هنن المعنيين بوجع العالم مش سيرين وهيفا، اللي بدو يساعد بيساعد ع الساكت مش بالعلن".

مقالات ذات صلة

عودة تصوير "السبع" رغم الظروف في سوريا

باسم ياخور وأمل عرفة وعبد المنعم عمايري وأمل بوشوشة يتصدّرون "السبع- ابن الجبل"

تولاي هارون طلال مارديني فادي صبيح