إشترك
خلال حلولها ضيفةً على برنامج "الستات" الذي تقدّمه الإعلامية سهير جودة، كشفت الفنانة عزة بهاء أسراراً تُذاع للمرة الأولى عن حياتها العائلية وزواجها من ثلاثة رجال، كما تحدثت عن موقف والدتها من زيجتها الأولى.
وقالت عزة: "أنا طبعي مش أحسن حاجة... ودايماً بعطي كتير وفجأة مش بلاقي النتيجة اللي أنا عايزاها، وأنا باختار الشخص على مقاييس معينة وبتكون غلط في الآخر... واتجوزت مرة كانت بالعقل ومرة بالقلب". وأضافت: "أول تجربة زواج لي كانت بالقلب من خالد بركات طليق الفنانة نيللي".
وأضافت: "كل ما كنت بعمل مسلسل وينجح... أقعد في البيت سنتين أو تلاتة، وكنت مرتبطة بأمي بشكل غير طبيعي، ومكنتش متخيلة إني ممكن أسيبها لما أتجوز، وهي مكنتش موافقة على أول جوازة ليا عشان كان متجوز قبل كده... وإحساسها كان صح. وتاني جوازة ليا قعدت معاه تسع سنين وانفصلنا... ويمكن لو كان بينا ولاد كنت كمّلت. وفوجئت بالمنتج عادل صادق بيدعي عليا إنه اتجوزني عرفي فرفعت قضية عليه وكسبتها، وزوجي التالت اتجوز عليا واكتشفت خيانته وجوازه يوم دفنته... وقعد معايا سنتين ومات".
وعن حياتها الشخصية، قالت عزة بهاء: "أدهم أخويا هو ابني وقمت معاه بدور الأم كاملاً... ودايماً بقول إنه قلبي اللي ماشي على الأرض".
