بالفيديو - حجاج عبد العظيم يتحدث عن أغرب واقعة سرقة تعرّض لها

06 شباط 2023 | القاهرة – "لها"

حجاج عبد العظيم

حلّ الفنان حجاج عبد العظيم ضيفاً على برنامج "كلام الناس" الذي تقدّمه الإعلامية ياسمين عز عبر قناة mbc مصر، حيث كشف عن أغرب حادثة سرقة تعرّض لها في أحد أيام رمضان، قائلاً: "الكافيه بتاعي اتسرق في نهار رمضان الساعة 7 الصبح، والشاشات كلها اتشالت واللاب توب، ولما شفنا الحرامي في الكاميرا كما لو كان بيطلع لي لسانه، وبينقل الحاجات زي ما يكون بينقل عفش بنت خالته ويروح يودي في العربية ويرجع، ولحد النهارده نفسي أشوفه وأقول له جبت الجرأة دي منين".

وتحدث حجاج عن حبّه للطبخ ومهارته في تحضير العديد من الأكلات، مشيراً إلى أنه تعلّم الطبخ في صغره بفضل والدته، قائلاً: "من صغري كنت بشوف والدتي تطبخ إزاي واتعلمت منها حاجات كتير، ولما قعدت لوحدي وأنا بدرس في بورسعيد بدأت أطبخ لنفسي، ولما أتجوزت نقلت ده لزوجتي".

وكشف عن وصفة سحرية لإعداد السمك، قائلاً: "بتنضفّي السمكة وتاخدي الكمون والليمون وتحطيها على الخياشيم بتاعتها، وبتحطيها في الدقيق وبعدها تقليه في الزيت، وبتجيبي توم وزيت وتحمريهم وتضيفي عليهم خل وبعدها تطشّيهم على السمك بيتشبّع ويبقى صوته دافي".

وعاتب حجاج عبد العظيم ياسمين عز، قائلاً: "أنا ما كنتش جاي البرنامج وزعلان جداً منك، لأنك الحلقة اللي فاتت ناشدتي بإنشاء حلويات على اسم الرجل، وقلتي صابع محمد وودن علي ومناخر أبو أحمد، فين صلعة حجاج؟ دي حتى تبقى مساحة كويسة للشمع".

وأضاف مازحاً: "مراتي وأنا نازل قالت لي اتفضّل الشراب يا منقرع، قلت لها إيه! قالت آه ما أنت فرعون بقى مش في خفرع ومنقرع".