إشترك
عاد الفنان أحمد آدم إلى العمل التلفزيوني بعد غياب خمس سنوات حيث بدأ بتقديم أولى حلقات برنامجه "آدم شو" على قناة "الحياة" بتحية جمهوره بعد غيابه عنهم لسنوات، قائلاً: "منورنا والله، رجعتلكم بعد غيبة وحشتوني بعد 5 سنين، الحمد لله، كنا شغّالين فيهم، وتمام بس فيه أخبار عشوائية بتطلع عليا... حاجة عجيبة".
وكشف آدم عن الشائعات التي طاولته في الفترة الماضية، قائلاً: "الأخبار كلها عشوائية، وآخر خبر قالك دا أحمد آدم قاعد في المنتجع بتاعه في سيوة، يا رب يبقى عندي بلحتين حتى في سيوة مش منتجع، العشوائية هتموتنا كلنا، بعد ما قضينا على العشوائية في المباني والمساكن والأحياء... نسينا نعمل إزالة للعشوائيات اللي جوانا".
وأضاف: "جوانا كم من العشوائيات تكفي مدن، ده إحنا فخفخينا، وكل حياتنا عشوائية، تربيتنا لعيالنا عشوائية، ومشينا في الشوارع بقى عشوائي، تعليمنا لعيالنا بقى عشوائي، وجوازنا بقى عشوائي".
واستكمل آدم حديثه ساخراً من مطرب الراب ويجز بالقول: "إحنا الجيل اللي شاف ويجز... أنا نفسي أسأل عيل صغير يقولي هو بيقول إيه؟ محدّش فاهم، بس قشطة إسكندراني بردو من الورديان يعني تبعنا وبلديتنا".
وأضاف: "شوفنا كزبرة وحنجرة، لما مطرب يبقى اسمه كزبرة وحنجرة أمّال محار الشقة يبقى اسمه إيه؟ ده إحنا مكنش عاجبنا ريكو دخلنا في كزبرة وحنجرة".
واختتم آدم حديثه بالقول: "إحنا جيل منحوس، شوفنا أزمة وقود وغذاء وجوع، وعاوزين يوصلوا للمليار الدهبي، قالك العالم بقى 8 مليار، والظاهر الساندوتشات مش مقضية العالم كله، فاحنا عاوزين مليار بس نقعد نأكّلهم ونشرّبهم، طب والـ7 مليار الباقية؟ يروحوا في داهية إحنا مالنا... بس ربّك كريم هو اللي بيقسمها".
