سعد الصغير يرد على اتّهامات شمس باختطافها: "بطّلي افترا"

01 شباط 2023 | القاهرة – "لها"

سعد الصغير والراقصة شمس

ردّ الفنان سعد الصغير على اتهامات الراقصة شمس له بخطفها والاعتداء عليها بالضرب خلال فترة حملها، وتصويرها أثناء نومها وهي مجردة من الملابس، قائلاً في تصريحات صحافية: "أنا أولاً معنديش أرض في العين السخنة عشان أخطف حد، والأزمة رجعت تاني حالياً بسبب طلب شمس لفلوس وغيرتها من زوجتي برلنتي، وشمس مش أول مرة تقول الكلام ده وكل فترة تطلع تقول نفس الكلام".

وأكد الصغير أنه لم يصوّر شمس وهي مجردة من الملابس خلال نومها، حيث علّق بالقول: "بالعقل لو صوّرتها أنا أتحبس أصلاً وفيه حد بيصوّر مراته ويبعت الصور لحد تاني؟ يعني نخوتي حتى، كل الكلام ده كدب وأونطة".

وأضاف: "بقول لشمس فين الصور اللي بتقولي إني صوّرتها ليكي؟ ولو أنا صوّرتك؟ الصور منزلتش ليه على السوشيال ميديا؟ وبتقولي إني بهدّدك حرام كفاية افترا دي بنتك مالهاش ذنب في اللي بتعمليه، ولو رجعتي مصر هقف جنبك".

وأردف الصغير بالقول: "أنا بقالي سبع سنين ببعت لشمس فلوس وجبتلها فيلا وعربية آخر موديل، ولما بطّلت أبعتلها فلوس بقت تطلّع عليا الكلام دا وبتقول إني بهدّدها، لدرجة إنها كلّمت برلنتي مراتي وقالتلها عايزة سعد يبعتلي فلوس لأن بنتها بتعمل عملية".

وكشف سعد الصغير تفاصيل لقائه مع الراقصة شمس قبل رأس السنة، قائلاً: "اتقابلنا وقالتلي أنا عايزة فلوس وأنت عندك كتير، فقلت لها إنتي أكتر واحدة أخدتي فلوس، جبتلك فيلا وعربية مجبتهاش لأم العيال".

وأضاف: "شمس بتقول إني بهدّدها وخطفتها، أنا راجل أبويا مربّيني، ودا كدب لأني لو بهدّدها بتاخد مني فلوس ليه؟ ولو قلت للناس قد إيه وقفت جنب شمس هيقولوا عليها قليلة الأصل".

واختتم سعد الصغير حديثه بالقول: "شمس متبنية طفلة من عشر سنين وعايشة برا مصر؛ وبقول لها ارجعي مصر وسلّمي البنت لأنك رقّاصة والقانون بيمنع تتبني أطفال، وأنا هتبنّاها ليكي وأعملّها وديعة في البنك بـ300 ألف مقابل مترقصيش تاني وأي فلوس تخصّ التبني هتكفّل بيها ومحدّش هيأذيكي وبطّلي تتبلّي عليا".