طليقة سعد الصغير تتّهمه بتصويرها عاريةً وإجهاض طفلها!!

31 كانون الثاني 2023 | القاهرة – "لها"

الراقصة شمس مع سعد الصغير

كشفت الراقصة شمس طليقة الفنان سعد الصغير، عن تعذيبه لها وضربها وسحلها لإجهاضها في شهرها السابع من الحمل، مؤكدةً أنه صوّرها أثناء نومها وهي مجردة من الملابس.

وقالت شمس خلال تصريحات صحافية: "صوّرني وأنا عريانة ونايمة جنبه على السرير، ومش عارفة سعد الصغير عايز مني إيه... وقالي لو عرفتي تعملي حاجة أولاني اعملي تاني، هو كان هنا في البلد اللي أنا عايشة فيها من أسبوعين وكان عايزني أروح معاه السفارة وأرجعله، وقالي هعمل فيكي اللي أنا عايزه".

ووجهت شمس رسالة الى طليقها قالت فيها: "مش عارفة بتعمل معايا كده ليه ولاّ عايز مني إيه، أنت عندك بنت خاف عليها وحسبي الله ونِعم الوكيل فيك".

أما عن تفاصيل خلافها مع سعد الصغير فقالت شمس: "معرفش ليه سعد الصغير عمل معايا كده، كنت حامل في الشهر السابع و10 أيام، ومكنش في أي حاجة أو مشكلة، ومكنتش عايزة أخلّف منه، وقالي قبل كده متنزليش الطفل ده وبعد كده غيّر رأيه".

وأضافت أن سعد أصر على إجهاضها، موضحةً: "بعدها بفترة جابلي بلطجية ودخل عليا البيت من 12 الضهر وفضل يكلّم الدكاترة ويضربني، والدكتور قالي مش هينفع تعملي العملية لأن الجنين عمره 7 شهور، راح سعد قال للدكتور أنت هتعملها يعني هتعملها، والدكتور قاللي هعملك العملية وأجهضني"... وقد حدث العديد من الخلافات بيني وبين سعد بعد اكتشافي استمرار علاقته بزوجته الأولى وعدم انفصالهما.

وأردفت شمس بالقول إن سعد اختطفها وهي وصديقتها وزوجها اللذين كانت تقيم لديهما في الإسكندرية بمساعدة عدد من البلطجية، كما أنه اعتدى عليها بالضرب موضحةً: "جابني من شعري وفضل يقولي ألفاظ وحشة، وخدني من إسكندرية وضرب فيا لحد القاهرة".

واستكملت: "سعد الصغير كان بيضربني بالبوكس وسحلني ونزّلني من العربية على الطريق الصحراوي وفضل يضربني بالجزمة في وشي، والدم كان بينزل من كل حتة في جسمي".

وأكدت الراقصة شمس أن سعد الصغير أجبرها على التوقيع على إيصالات أمانة وعقد زواج، قائلةً: "في شهر 8 سنة 2011، مضيت إيصالات أمانة ومضيت على عقد جواز وأوراق إنه ملمسنيش".