بعد الهجوم عليها... مي حلمي تحذف فيديو رفضها مساعدة سيدة محتاجة

25 كانون الثاني 2023 | القاهرة – "لها"

مي حلمي

هجوم حاد شنّه الجمهور على المذيعة مي حلمي، بعد نشرها مقطع فيديو عبر حسابها الخاص في "إنستغرام"، انتقدت فيه سيدة طلبت منها مساعدة مالية لشراء ملابس لابنها الطالب في الجامعة ليكون في نفس مستوى زملائه.

وقالت مي في الفيديو: "اللي أنا هقوله دا مش جحود ولكن كلنا شقيانين بشكل أو بآخر بطريقة أو بأخرى، لما حد يبعتلي يقولي أنا قد مامتك نفسي في طلب ابني في الجامعة ونفسي يلبس زي أصحابه حلو، ممكن تساعديني ولو بطقم؟ أنا شايفة إن دي رفاهية، والرفاهية دي عشان نعملها بنتعب جداً لسنين".

وأضافت: "أنا كنت بشتغل وأنا في الجامعة ليه إنتي عاوزة تشحتي لابنك عشان يلبس كويس زي صحابه، ما تخليه يشتغل ويلبس من فلوسه لأني كنت شغّالة وأنا في الجامعة، مع إن أهلي مش محتاجين التعاون ده، بس ليه أنا أخلّي أمي تطلب طلب زي ده، ابنك مش أحسن مني، وكان عندي كرامة وعزّة نفس، مش تحامل بس انتوا نسيتوا قوانين الدنيا، يعني إنتي عايزاني أصرف على رفاهية ابنك بدل ما تقوليله اشتغل!".

واختتمت حديثها بالقول: "محدش بيساعد حد، وناس متغربة وشغالة، محدش بيساعد حد إلا في الحالات القصوى، المرض، الحوادث، الحاجات الكبيرة، وأنا شغالة من وأنا عندي 16 سنة، إنما أصرف على ابنك عشان يلبس، إنتي المفروض تساعديه عشان يبقى راجل مش تشحتي له".

ودافعت مي حلمية عن وجهة نظرها قائلةً: "فكّرتيني بأيام مُرّة... كلنا اتمرمطنا بشكل ما عشان نبقى كده، أنا عندي حاجات إنتي أكيد متعرفهاش، وممكن أكون قعدت سنين عمري عشان أعمل وأوصل للي أنا فيه دلوقتي". وأضافت: "فيه ناس في الجامعة متشحططة ومتغربة وبتدرس برضو، وشغّالة في نفس الوقت، إنتي ابنك أحسن من الناس المتغربة دي... إنتي المفروض تساعديه يبقى راجل عشان اللي تتجوزه متتبهدلش معاه، ويبقى قاعد في البيت وتخرج هي تصرف عليه، ومتعانيش زي ما ستات كتير بتعاني، فكّرتيني بأيام مرّة، وسودا، ليه أنا أصرف على واحد، علّميه يشتغل".

ولم تسلم مي حلمي من انتقادات متابعيها، حيث كتبت إحدى المتابِعات عبر "فيسبوك": "مي حلمي بجد محتاجه دكتور نفسي يتطوع ويعالجها من النقص اللي عندها... يعني واحدة طلبت منك مساعدة هاتعرفي تساعديها تمام مش هاتعرفي ماتطلعيش تكسري نفسها... إنتي سبحان الله عندك عدم قبول مرعب بجد".

ومع كثرة الهجوم عليها والانتقادات، حذفت مي حلمي الفيديو والتعليقات.