إشترك
في تطور جديد لأزمة الفنان عمرو محمد علي الشهير بـ"شقشق" في مسلسل "أرابيسك"، بعد إدلائه في أحد البرامج التلفزيونية بتصريحات اتّهم فيها ابنته بالجحود كما اتهم والدتها بأنها تخلّت عنه وتركته بسبب مرضه، نشرت ابنته شهد عبر حسابها الخاص في "فيسبوك" مقطع فيديو ردّت فيه عليه برسالة شديدة اللهجة، حيث قالت: "بقى لي كتير ساكتة وقلت لمامتي ما نتكلمش مش لحاجة، علشان حياتنا الخاصة ما حدش يعرف عنها حاجة، ولكن بصراحة زاد أوي".
وأضافت: "أنا اسمي شهد عمرو محمد علي، معظم الناس ما تعرفش مين شهد لأنه بالنسبة لي اسم في البطاقة، ومش هتكلم إنه قال عني جاحدة لأنه في الأول والآخر بابايا وبتمنى له الشفا، وماحدّش يحكم على حد وهو ما يعرفش القصة كاملة، ماحدش عارف هي عملت إيه وإيه حصل بينهم أدى لانفصالهم. محدش يعرف هي عملت إيه عشاني 20 سنة بتصرف عليا لبسي وحضنتي لحد تانية جامعة وعملت عشاني كتير أوي وما استحملش أسمع عنها نص كلمة وماحدش عارف الحكاية".
وأردفت ابنة عمرو بالقول: "حرام أكون طول ما أنا ماشية أشوف في الصفحات الست اللي سابت جوزها... ليه الناس بتحكم على حد من طرف واحد، وعلشان ما أطوّلش عليكم الست دي بطلة عملت كل حاجة في الحياة عشاني عشان أبقى إنسانة متعلمة... وكفاية تحكموا على حد وانتم ما تعرفوش القصة".
واختتمت شهد حديثها بالقول: "رسالة لوالدي بدعي له بالشفا ده أبويا مهما كان، أما أهلي فأنا آسفة مش مسامحة في كل كلمة باطل اتقالت في حق مامتي".
