تطورات أزمة إلقاء الراقصة هندية كلبها في الشارع

15 كانون الثاني 2023 | القاهرة - "لها"

هندية

كشفت الراقصة هندية عن تحريرها محضرًا ضد أشخاص اتهمتهم فيه بالاستيلاء على كلبها، الذي سبق وانتشر مقطع فيديو لها أثناء إلقائها له من سيارتها في أحد الشوارع مُصابًا في قدمه، وهو الأمر الذي عرّضها لانتقادات كبيرة خلال الفترة الماضية.

وقالت هندية في تصريحات صحافية: "الناس ظلموني بما فيه الكفاية، يعني أنا جبت الكلب من أكتوبر عشان أرميه؟ وأنا شايلاه غرقني تواليت وبهدلني خالص، وأنا ماشية قتلت نفسي من التفكير هسيبه فين، لو تحت البيت الكلاب هتقطعه ومش قادرة أشيله أطلعه البيت، وفكرت أسيبه عند السايس هو أخرس ولكن بتاع المنطقة، قولتله أسيبه عندك وهطلع أصلي وهنزل، ده اللي حصل وأنا لو عايزة أرميه كنت رميته على المحور أو أكتوبر وهي كبيرة وصحراء، هرميه إزاي؟.

وأردفت كاشفة تقدمها ببلاغ ضد محتجزي كلبها، قائلة: "هو لو أنا عايزة أرميه هاجي أعمل محضر؟ أنا جاية أعمل محضر أهو لأني مربياه بقالي 5 سنين وبعتبره ابني أنا معنديش أولاد، وبتواصل مع أستاذة دينا ومنى اللي واخدينه ومش عايزين يدوني الكلب، أنا عايزة الكلب بتاعي، وقُلت لهم هدفع أي مصاريف وعايزة الكلب بتاعي".

وأكدت هندية، أنها لم تُلقِ كلبها بالشارع خاصة أنها عادت من جديد لتطعمه قائلة: أنا بعد ساعة وشوية بعد ما خدت حمام وصليت، نزلت علشان أجيب للكلب أكل وبسأل عليه ملقتهوش، والله نيتي خير، ولما ألاقي الناس على الميديا بيشتموني بأفظع الألفاظ قُلت آه حصل من كتر الضغط، ولكن أقسم بالله ما رميته وجايباه عشان أعالجه، هكذب ليه؟ أنا سكري بيعلى وبرتعش، يا جماعة ارحموني، فيه ناس بتقولي ماسبتيهوش ليه في العربية طب ما العربية الأكسجين هيخلص فيها وهيفطس يبقى أنا كده موّته".

وأضافت أنها تلقت عددا كبيرا من الرسائلة السلبية بعد انتشار فيديو تركها كلبها بالشارع، قائلة: "لقيت قبطان داخل بيقولي إنتي للدرجة دي غلبانة وفقيرة ورميتي الكلب؟ منك لله يا شيخة أنا مستعد أبعتلك أكل وتأكلي الكلب، يا سيدي أنا مش كده خالص، ومش منطق أسوق بيه 20 كيلو عشان أرميه في المهندسين؟ ما أنا عندي مليون مكان في أكتوبر أرميه فيه، وبعدين هاجي عند سايس المنطقة وأهش الكلاب؟.

شددت هندية في تصريحاتها، على أنها لم تتخلّ عن كلبها ولكنها فقط وضعته عند السايس لأداء الصلاة، موضحة: "أنا سيبت الكلب عشان أطلع أصلي، وقُلت قبل كده لو أمي وأبويا هسيبهم عشان فرض ربنا ده أهم من أي شيء أنا مقدرش أسيب فرض ربنا، قُلت أطلع أغير وأرمي هدومي كانت غرقانة بيبي وعربيتي كانت غرقانة، طب أعمل إيه يا جماعة؟".