إشترك
نشرت الفنانة هندية عبر حسابها الخاص في "فيسبوك" بثاً مباشراً ردّت فيه على اتهامها بإلقاء كلبها في الطريق العام بعد انتشار فيديو ظهرت فيه وهي تخرجه من سيارتها وتتركه وتذهب، ما دفع عدداً كبيراً من الجمهور ومنهم الفنانة سارة نخلة لمهاجمتها واتهامها بعدم الرحمة.
وقالت هندية في الفيديو: "أنا بعمل البث ده لأن في فيديو منتشر وأنا بنزل الكلب بتاعي من العربية... لكن أنا لاقيت الكلب تعبان جداً، جبته وأنا ساكنة في شقة مينفعش أحط الكلب فيها، وسيبته في ميدان ولقيت ولد قلت له هطلع أصلّي واخده أي مستشفى، وبعد ما رجعت لاقيت حد من جمعية الرفق بالحيوان أخدوه".
وأكدت هندية أنها لم تلقِ بكلبها في الشارع، قائلةً: "أنا ما رمتوش لو عاوزة أرميه كنت رميته في أكتوبر، هعمل كده إزاي، لكن أنا كان بقالي فترة ما روحتش شقتي في أكتوبر فروحت لقيته تعبان وخدته في عربيتي ومشيت وأنا بأكّله عمل بيبي عليا وكنت طالعة أغيّر هدومي وسيبته مع سايس أخرس في ميدان، وقلت له هستحمى وأصلّي وأنزل".
وأضافت: "علشان الكلب بتاع هندية عملوا حكاية، لو بتاع حد تاني ما كانش حد سأل، أنا قلت أسيبه وأصلّي وأنزل اسأل عن مستشفيات حوالينا، ونزلت جبت له أكل هي الكاميرا شافتني وأنا برميه ومشافتنيش وأنا نازلة أحط له أكل؟".
وعن الانتقادات التي تعرضت لها هندية، قالت: "يقولوا اللي يقولوه حتى لو رميته ما أي حد ممكن يرمي كلب، سايبين كل حاجة وبيتكلموا على الكلب، ما يشوفوا الأطفال اللي مرمية بلا كلام فاضي... وعلى فكرة الكلب ده بيكون زي ابنك وأنا متعلقة بيه جداً، وكنت سايباه مع الغفير في شقتي بأكتوبر ولما شفت حالته قلت له إزاي تسيبه كده وكنت بعيّط عليه في الشارع".
