بالفيديو - ميسرة تكشف سبب عدم زواجها.. وهذا موقفها من الرجال المتزوجين

07 كانون الثاني 2023

ميسرة

بعد جدل كبير، أوضحت الفنانة ميسرة حقيقة تصريحاتها عن إمكانية زواجها من رجل متزوج خلال لقائها في برنامج "نص الكلام" مع الاعلامية راغدة شلهوب.

وتحدثت عن سبب عدم زواجها حتى الآن قائلة: "أنا ما اتجوزتش لحد دلوقتِ علشان معظم الرجالة عندهم انفصام في الشخصية، يعني يقبلوا على نفسهم ما لا يقبلوه لزوجاتهم، وأنا بحب الطبيعية في التصرفات يعني لو عايز تهزر معايا تهزر قدام مراتك بدون خوف من مراتك أنا ما بحبش الراجل يبقى قدام مراته حاجة وبرا حاجة تانية، أنا بحب الراجل يبقى بطبيعته والراجل اللي بيخالف القاعدة دي أنا بتجنبه".

وكشفت الممثلة المصرية عن رأيها بالموضوع قائلة: "انا ممكن أتجوز من راجل متجوز لو حبيته وأقتنعت بيه ومراته فعلا مقصرة معاه، ولازم اسأل مراته وأخد موافقتها".

وأضافت: "أنا مش هتجوز من ورا الزوجة الأولى، ولازم أكون بحب الشخص ومقتنعه بيه، ولازم تكون مراته عندها مشاغل في حياتها ومش قادرة تملى حياته أو وصلت لسن ممكن يكون عندها اكتفاء بأولادها ومش عاوزة تخرج، وهو يبحث عن واحدة تانية تملى الفراغ في حياته، لو لقيته واقتنعت بيه ثقافيا وماديا وفكريا أه هتجوزه".

وأوضحت ميسرة أن هذا موقفها الآن لكن قبل 20 عاماً كان رأيها مختلفا، مؤكدة أنها "لم تقع في حب رجل متزوج أو تتسبب في انفصال رجل عن زوجته لكنها رأت حالات متشابهة.

وكانت الممثلة المصرية قد كشفت في وقت سابق عن معاناتها مع عمليات التجميل الفاشلة في وجهها، حيث حصل تلوث من حقن الدهون، وتشوه أنفها من عملية ثانية.