إشترك
خلال استضافته في سهرة خاصة بمناسبة رأس السنة الميلادية ضمن برنامج "معكم" الذي تقدّمه الإعلامية منى الشاذلي على قناة cbc والقناة الأولى، استهلّ الفنان محمد رمضان الحلقة بتوجيه رسالة بمناسبة العام الجديد، قال فيها: "بقول لسنة 2022 اللي فات بلطي واللي جاي جمبري إن شاء الله".
وبسؤاله عن احتفالات العام الجديد، أجاب رمضان: "زمان كنت بقعد أنا وأصحابي نتفرج على الناس اللي بتحتفل برأس السنة... دلوقت أنا بقيت أحتفل بيها... الإحساسين حلوين وعظام... زمان كان شعور جميل جداً ودلوقت جميل وأنا راضي بالاتنين".
وقال إنه يلتمس العذر للجمهور حين ينتقدون ملابسه أو حتى بعض أغنياته، مثل أغنية "نمبر وان" الشهيرة.
وأوضح رمضان أنه يضع نفسه مكان الجمهور في بعض المواقف، قائلاً: "أنا بعذر الجمهور برضو... لما انتقدوا أغنية (نمبر وان) حطيت نفسي مكان الجمهور أو الزملاء وقلت لو صحيت ولقيت حد بيقول كده هزعل واتضايق طبعاً".
وفي ما يتعلق بالملابس الغريبة التي يرتديها في كثير من المناسبات، أكد رمضان أنه يرتدي ما يناسب الحدث، بينما في حياته العادية يرتدي ملابس كأي شاب في سنّه، قائلاً: "اللبس الغريب ده في الحفلات بيبقى جزء من الشو والبهرجة الزيادة... إنما في الحياة العادية لبسي بسيط وشبه لبس كل الشباب". ومضيفاً: "معايا فريق بيختار لبسي حسب كل مناسبة بروحها... يعني لو عندي إيفينت له علاقة بإفريقيا بيبقي معايا ستايسلت إفريقي... لو حفلة في المغرب يبقي ستايلست مغربي وهكذا...".
وأكد محمد رمضان أنه كان يحلم بهذا اللقاء منذ سنوات طويلة، قائلاً: "من وأنا صغير كنت شايف حلمي ومصدّقه وعلى يقين إن كل المعاناة دي هقعد أحكيها قدام أهم إعلامية في مصر... القعدة دي أنا تخيلتها وأن قاعد على رصيف ومستني منتج عشان الأمن رفض إني أطلع له".
