مصطفى كامل يثير الجدل بتصريحه عن سبب قدومه الى النقابة

كشف الفنان مصطفى كامل نقيب المهن الموسيقية، في تصريحات صحافية، عن التكلفة المبدئية لتجديد وتطوير مبنى النقابة، مؤكداُ أنها تراوحت بين مليونين وثلاثة ملايين جنيه، حتى يصل الى شكله الحالي.

وقال كامل إنه يحرص على عدم المساس بخزينة نقابة المهن الموسيقية من أجل أعمال التجديد والتطوير، وأضاف: "قلت لا أنا مش عايز أدخل على خزينة النقابة وآخد من فلوس الغلابة وأنا بحلم للبسطاء دول. جبت مغنّي المهرجانات وقولتلهم تعالى يا ابني اتبرع للنقابة... وتاخد وصل تبرع لتوضيب وتجديد مقر النقابة العامة... يعني كل حد فيهم دافع جنيه مكتوب له ايصال... وفي منهم قالولي يا أستاذ خد من غير وصل... قلت له لأ ما هي خد دي بقى هي اللي بتودي للرشوة... أنت تيجي تدفع في الشباك وتاخد إيصال به يحميك من الضرايب".

وأشار مصطفى كامل الى أنه يعمل بضمير في نقابة المهن الموسيقية، وعلّق موجّهاً كلامه الى الموسيقار حلمي بكر: "أنا بقولها لأبويا وبقولها لزملائي كلهم... أنا اللي يفرق معايا أن من يجلس على هذا الكرسي يكون إنسان بيراعي ربنا ورجل شريف".

وأضاف أنه يسعى لتوفير الخدمات لأعضاء نقابة المهن الموسيقية من محدودي الدخل، قائلاً: "إحنا واقفين على رجلينا وبنعرف نكسب، وكمان نجوم الصف الأول نسبة أعمالنا قلّت بنسبة سبعين وتمانين في المية.. بس على الأقل إحنا الحمد لله قادرين على مواكبة الحياة... وإحنا فينا ناس من زملائنا منتمين للنقابة دي صدقوني وقسماً بالله مفيش جنيه في بيته".

واختتم مصطفى كامل بالقول: "في ناس من أعضاء النقابة أولادها بتتشرد وللأسف كان في النقابة مسؤولين على الكراسي دون المستوى... وتلاقي عضو في النقابة مش عارف يأكّل ولاده... أنا للأسف مرة قالها لي مستشار قانوني للنقابة، قالي على فكرة أنت تاعب نفسك أوي النقابة دي بتتسرق من أيام زمان وهتفضل تتسرق ولا حد فيها اتحبس... لكن أنا جاي الفترة دي يا أحبس الحرامي يا أمشي".

مقالات ذات صلة

نيكول سابا تشوّق الجمهور لتعاونها الثاني مع هذه النجمة المصرية

خاص لها - شيرين عبد الوهاب تكثف تحضيرات حفلها بالكويت

مصطفى كامل نجوم الفن نقابة المهن الموسيقية