إشترك
خلال حوارها مع برنامج et بالعربي كشفت الفنانة شيرين رضا عن رأيها في منع عرض فيلم "القاهرة مكة" لمنى زكي بمهرجان البحر الأحمر السينمائي، وعلاقتها بالفنانة دينا الشربيني وكواليس عملهما معاً في حكاية ولو بعد حين، وحقيقة خوضها السباق الرمضاني القادم.
في البداية كشفت شيرين تفاصيل تعاونها مع دينا الشربيني في حكاية "ولو بعد حين" من مسلسل "حدث بالفعل"، والذي من المقرر عرضه قريبًا، مؤكدة أنهما صديقتان ولم تترددا في التعاون معًا.
وقالت: "أنا مش أول مرة أتعاون مع دينا الشربيني قبل كدا عملنا فيلم اسمه (كدبة كل يوم)، وليه الناس تستغرب؟ إحنا صحاب من زمان ودي فرصة حلوة إننا نشتغل مع بعض تاني".
وتابعت: "لم أتردد ولا ثانية ولما قالولي دينا الشربيني قولت طبعا لأننا معندناش فرصة نقابل بعض في الحياة؛ لأن كل واحدة مشغولة وإحنا بنقعد مع بعض في نفس الكارافان وبنغير وبنعمل ميكب مع بعض، ولما عرضوا عليا أمثل لوحدي حكاية مستقلة في مسلسل حدث بالفعل رفضت وحبيت أكون مع دينا".
كما تطرقت شيرين رضا للحديث عن تفاصيل حكاية "ولو بعد حين"، قائلة: "هنكون أنا ودينا إخوات في المسلسل اللي بيدور في قصص حقيقية من ملفات لأطباء نفسيين والقصص مفزعة ومش عارفة إمتى هيتعرض ولكنه هيكون قريبًا وخارج الموسم الرمضاني وإحنا بنصور آخر حلقة وهنخلص الجزء الأول لأن العمل له أكتر من جزء".
وعن رأيها في منع عرض فيلم "القاهرة مكة" لمنى زكي في مهرجان البحر الأحمر قالت شيرين إنها ترفض رفضاً تاماً منع عرض الفيلم، في المهرجان مضيفة: "مش عايزة أعيب في حد".
وأضافت: "إحنا بنعمل فن، وماعتقدش المتشددين ليهم دعوة بينا، لأن الأفلام حرام فبيتفرجوا عليها ليه، ومفيش منع في مصر، ومعرفش ليه الرقابة مادتلوش تصريح بس أكيد عندهم سبب، بس مش خوف من حد ليه نخاف مين هيعملنا إيه".
ومن المقرر، أن يتم عرض فيلم القاهرة مكة بدور العرض المصرية في نهاية العام الجاري، حيث تم تأجيل عرضه لحين انتهاء النقاش حول الملحوظات الرقابية.
