بالفيديو - نجوى فؤاد تكشف للمرة الأولى أسباب خلافها مع لوسي

13 تشرين الثاني 2022 | القاهرة - "لها"

نجوى فؤاد

حلّت الفنانة الاستعراضية الكبيرة نجوى فؤاد، ضيفة على برنامج "قعدة ستات"، الذي تقدمه الإعلامية مروة صبري، على قناة "القاهرة اليوم".

وكشفت نجوى للمرة الأولى سبب خلافها مع الفنانة لوسي، وقالت خلال اللقاء: "مش زعلانة منها بسبب الغيرة، لأني عمري ما غيرت من حد، والناس العادية وغير العادية بتحبني، وأنا ولوسي كنا قريبين من بعض، وحصل سوء تفاهم في موقف معين، وانسحبت من الموقف، وأنا أما أنسحب مش ببص ورايا، علشان أنا برج الجدي".

واستكملت: "مغلطتش في موقفي مع لوسي علشان أصلحوا، وهي غلطت فيا هي وأسرتها، أنا سمعت إنهم تعبانين، واشتريت شوية حلويات ورحتلهم، وكان معايا صديقة صحفية، وهي اللي كانت تعبانة، ونزلت البواب قالي دول في المستشفى، قولتله مستشفي إيه ومحدش رد عليا، وعرفت إن هما فوق نايمين، قولتلهم أجيلكوا وقت تاني واتضايقت".

وأضافت: "ومش هي اللي قالت، ديه واحدة شغالة صغيرة، طلعت سلم البيت لغاية الأسانسير، واتجرحت جدًا، وكنت رايحه من قلبي، قوليلي قابليني في أي وقت مش كده، الموقف على بعضه مش حلو، لما أكون نايمة، البنات نايمة ممكن تتصلوا بعديها بساعة، وفي 100 اعتذار، ومكلمتنيش ولا أنا اللي كلمتها، ومش متضايقة إن مش بكلمها، ولوسي فنانة موهوبة ومحترمة، وممثلة درجة أولى ومعترفه بيها مليون في المية.

ووجهت رسالة للوسي، قائلة: "كنت زعلانة منك بس والله نسيت، وتليفوناتي ومخي وقلبي وعواطفي كله ليك، مفيش حاجة، ومفيش زعل بينا وبين بعض، ومش زعلانة".