بالفيديو - عمرو أديب يكشف مكالمته لشيرين وتطورات حالتها الصحية

كشف الإعلامي عمرو أديب، خلال تقديمه حلقة الأمس من برنامج الحكاية الذي يقدمه على قناة mbc مصر، آخر تطورات الحالة الصحية للفنانة شيرين عبدالوهاب، وتفاصيل الحوار الذي دار بينهما بعد خروجها من المستشفى، ومدى صحة الحديث عن صورة لها مع حسام حبيب.

قال أديب: "شيرين مطربة العالم العربي ونفخر بها كما نفخر بكل مطربينا. مضيفاً: "خلال الاتصال قلت لشيرين "كفارة"، وردت عليّ وقالت فعلًا كفارة، وشيرين قالت لي إن الصورة المتداولة عبر مواقع التواصل الاجتماعي مع طليقها المطرب حسام حبيب ليس لها أساس من الصحة وليس لها سياق حقيقي معبر عن الفترة الحالية".

وأكمل: صوتها جيد وقوي، أول ما قالت ألو حسيت إنها كويسة وعارفة حجم الحب والمودة اللي كانت موجود وهي في المستشفى، سألتها أخبارك إيه قالت لي الحمد لله أظن أنت سامع صوتي، قالت لي كفارة والحمد لله بقيت كويسة وعاوزاك تقول للناس إني كويسة وطمنهم عليا وتشكر كل اللي الناس اللي سألت عليا وقريب هرجع أحسن من الأول ولو سمحت أشكر كل الوسط الفني والغنائي وأشكر كل الجمهور والمحامي على مجهوده وكل الناس اللي اهتمت بيا وإن شاء الله هاكون كويسة وقريب هيكون لينا حوار ونتكلم في أشياء كثيرة".

واستطرد: "هاممني شيرين تبقى كويسة مش بهتم باللقاءات والشغل قد ما أهتم الناس تكون مرتاحة صوتها جيد وصحة كويسة، دي شيرين اللي أنا أعرفها هادية وجميلة بتضحك، بتنكت وعندها وحشة كبيرة للوسط الغنائي وتقدير كبير لكل الناس اللي وقفوا جنبها وسألوا عليها، شايفة إنها كانت في تجرية صعبة لكنها ست قوية وقادرة تتخطى الأمر.

واختتم: "صوتها كويس أفضل وأهدى وأحلى، كل اللي نقدر نعمله إنها تهدى وتكون بصحة كويسة ونشوفها في حفلات كتير هي مطربة العالم العربي وبنفخر بشيرين زي كل المطربين زي عمرو دياب وأنغام وأصالة، الصورة سياقها مش حقيقي وليس لها أي جانب من الصحة، وقريب تسمعوا صوتها بنفسكم وهي عندها نبرة الثقة والهدوء، ادعوا لها في دور النقاهة بتاعها تكون كويسة، وهتسمعوا صوتها قريب، ومعرفتي إن الناس اللي بتتعالج بهذا الشكل بياخدوا وقت، ومبيرجعوش 100 في المية على طول ونتمنى ترجعلنا جميعًا.

عمرو اديب يكشف تفاصيل مكالمته مع شيرين لاول مرة وحقيقة الصورة المتداولة مؤخرا مع حسام حبيب
تقدر تشوف الحلقه كامله على شاهد (اتفرج ببلاش)https://t.co/4Wd4GzdFvu#الحكاية#MBCMASR pic.twitter.com/EF2CFumtsM

— الحكاية (@Elhekayashow) November 4, 2022

مقالات ذات صلة

مي فاروق تردّ على المتنمّرين عليها بعد زفافها (فيديو)

ليلى عبد اللطيف وتوقعات مثيرة لنجوم الفن وتحذر (فيديو)

عمرو أديب شيرين شيرين عبد الوهاب