مصطفى كامل يسخر من عمرو مصطفى ويعيد أزمته مع عمرو دياب إلى الواجهة مجدداً

أجّج الفنان مصطفى كامل الأزمة التي حدثت بين الملحن عمرو مصطفى والنجم عمر دياب عقب تصريحاته التي هاجم فيها الأخير، مؤكداً أنه السبب في شهرة عمرو دياب وليس العكس.

وردّ كامل على تصريحات عمرو مصطفى في تصريحات تلفزيونية حيث قال: "مش عايز أقول لفظ وحش، نُكران الجميل وحش وده نُكران جميل، وعمرو مصطفى ناكر جميل عمرو دياب، هو هيهزر؟". وأضاف: "يعني عمرو مصطفى أفاد عمرو دياب في حياته؟ ده كلام؟ ده كلام ميصحش يقوله".

وتابع: "كنت واخد عهد على نفسي ألا اتطرق لـعمرو مصطفى، ورغم زعلي منه إلا أنه ملحن كويس، بس أوعى تنسى إنك كنت بتيجي الاستوديو وأنا موجود علشان تبقى موجود في قاعدة فيها عمرو دياب، أنا شُفتك وماليش دعوة جيلك شافك ولا لأ، ولكني شُفتك وأنت بتيجي علشان بس تكون مجرد واحد قاعد في قاعدة فيها عمرو دياب، وبتتكلم على مين؟".

واختتم مصطفى كامل حديثه بالقول: "فيه فرق كبير لما تتكلم على حد واقع، ولكن عمرو دياب في حتة تانية يا جماعة خالص، فيه أسامي مينفعش ولا يليق مع أي حد فينا لما يختلف معاها يطلع يتكلم عليها كده، مينفعش وعيب كده، وبعد 10 سنين عمرو دياب هيفضل عمرو دياب".

وتسببت تصريحات مصطفى كامل في شنّ هجوم جديد على عمرو مصطفى من جهور "الهضبة"، واصفين تصريحاته بأنها محاولة فاشلة للوصول إلى التريند.

مقالات ذات صلة

تطورات مثيرة في قضية سرقة مجوهرات زوجة خالد يوسف

آيتن عامر تحتفل بعيد ميلادها بطريقتها الخاصة (صور)

مصطفى كامل نجوم الفن عمرو دياب عمرو مصطفى