نشوى مصطفى تكشف موقفاً إنسانياً للراحل هشام سليم مع فنانة كبيرة

24 أيلول 2022 | القاهرة - "لها"

هشام سليم

كشفت الفنانة نشوى مصطفى من خلال منشور لها على حسابها بـ"فيسبوك" موقفًا إنسانيًا جمعها مع الفنان الراحل هشام سليم، الذي رحل عن عالمنا عن عمر ناهز الـ64 عامًا، بعد صراع دام لفترة طويلة مع مرض السرطان.

وكتبت نشوى قائلة: "افتكرت حاجة عن هشام سليم يمكن مش كتير يعرفوها، في يوم راجعة من التصوير، وكان فيها أستاذة ممثلة كبيرة الله يرحمها اسمها ثريا إبراهيم، قالت لي نشوى معنديش عربية توصليني في طريقك لأقرب مكان انزل أخد تاكسي، قلت لها تاكسي إزاي هوصل حضرتك لباب البيت".

وتابعت: "وإحنا ماشيين قالت لي عارفة الشقة اللي حتوصليني ليها دي مين جابهالي، قلت لها مين، قالت لي شريهان، وحكت لي إنها كانت بتشتغل معاها مسرحية "شارع محمد علي" وكانت بتيجي كل يوم من طنطا للقاهرة، وترجع تاني لأن بيتها كان هناك، ولما شريهان عرفت قالت لها شوفي الشقة اللي تحبيها وأنا اشتريهالك، ولما اشترتها كانت فرحانة".

واختتمت نشوى مصطفى: "هشام سليم عرف بارك لها وقال لها فرشتيها، ولا لسة قالت له فرشتها قال لها كان نفسى أفرشهالك قالت له، وهى بتهزر طيب ما تعمل حاجة تانية قال لها تحت أمرك، قالت له نفسى أحج.. تاني يوم لقت شركة سياحة بتكلمها، وبلغتها إن هشام دفع كامل التكلفة وكانت خمسين ألف جنيه وكمان وهي رايحة عطاها مصروف الرحلة وقال لها: ادعى لي بس كده.. ألف رحمة ونور".