الحرب تشتعل مجدداً بين إلهام الفضالة وهيا الشعيبي عقب دخولها السعودية

23 أيلول 2022

هيا الشعيبي والهام الفضالة

اشتعلت الحرب الكلامية على شبكات التواصل الاجتماعي مجدداً بين الفنانتين الكويتيتين إلهام الفضالة وهيا الشعيبي، عقب دخول الأخيرة إلى السعودية بعد أزمتها معها.

وقالت الشعيبي في مقطع مصوّر: "حسبي الله على من ظلمني وكان سبب بإبعادي هالفترة عنكم، (...) وإذا انا غلطانة بحق أحد، تقلكم هيونة تحبكم، وتعتذر من قلبها اذا فيه شي انا غلطانة فيه".

وغمزت من قناة الفضالة قائلةً: "أنا عبالي تشتكين علي ما بالعادة يعني". وأضافت: "انت غلطتي، ما نصحتي، (...) ومسجات معي وفويسات عندي، أنا عارفه حق منو اوري، وحق منو أسوي".

واتّهمت الشعيبي الفضالة بغش جمهورها إذ قالت: "تشتري بضاعة مقلّدة من تركيا وتوحي لمتابعيها بأنها أصلية". وأضافت: "وللي عندي هذا، والله ما رح يطلع إلا برنامج قوي، بس هاه، خللي اسمع انا شنو قايلة، على طول وتوته".

ووصفت الشعيبي سيدة عارضت دخولها السعودية بـ"الغرابة".

وردّت الفضالة: "الحين الاكاونتات الوهمية، كم واحد يقدر يسوي ثنين ثلاثة خمس؟ مو مليون واحد يدش! رحتوا حطيتوها علينا، رحتوا قلتوا أكاونتات وهمية، (...) حق اتهامات الاطفال هذي، أنا وايد اكبر من شذي، أنا لولا قهر هالبنية، وللي ماسكة شغلي وأعمالي، لو ما قهرها وزعلها من اللي سمعته اليوم، ولا لاطلع اتكلم".

وتابعت: "لكن تتهمين صديقتي اللي زايرتني وتتهمينها غرابة، ليش علشان منقبة، النقاب صار غراب؟ اذا ماتبي تحترميني واعرف ما تحترميني احترمي الضيفة الداشة ديرتج، غرابة وغرابة وسابة فيها ورايحة ديرتها، احترميها على الاقل، بس يابنت الحلال بس".

واختتمت إلهام الفضالة بالقول: "حتى سالفة الصحفي اللي سويتيها عندي المسجات والكلام اللي كاتبته وعندي كل شي، يافلانة خلص عاد لا تخلين السالفة تكبر أكثر من جذي، بس يسكت مرة وثنين وعشر، بس توصلين لعند ربعي وتهينيهن خلص".