إيساف يعلن خطوبته بعد تصريحاته الغريبة عن الزواج

08 أيلول 2022 | القاهرة – "لها"

إيساف

رغم التصريحات التي أدلى بها في لقاء تلفزيوني عن صعوبة ارتباطه رسمياً في الفترة الحالية رغم ارتباطه عاطفياً، فاجأ الفنان إيساف جمهوره بالإعلان عن خطوبته رسمياً الى فتاة من خارج الوسط الفني.

ونشر إيساف عبر حسابه الرسمي في "إنستغرام" صورة لم يُظهر فيها إلا يداهما وفيها "دبلة" الخطوبة من دون أن يكشف عن وجه خطيبته.

وعلّق إساف على الصورة بقوله: "تمت الخطوبة بحمد الله وربنا يبارك لينا جميعاً، اللهم اجعل حياتنا سعيدة برضاك وكرمك وسترك علينا وقدّرني واجعلني أكون قد الأمانة المباركة دي، إنتي غير كل الناس".

وكان إيساف قد أثار جدلاً منذ فترة بالحديث عن علاقاته العاطفية وسبب تأخّره في الزواج، مشيراً إلى إنه رجل شرقي الطباع ويشترط صفات محددة في شريكة حياته.

وقال إيساف: "أنا مرتبط دلوقتي، ولما اتقابلنا قلت لو في بينا عدم ثقة يبقى مش هنكمل، أنا وصلت لمرحلة دلوقتي صعب أوي إني ارتبط بواحدة في بينا علامات استفهام، أنا شرقي الطباع جداً، ويمكن ده اللي أخرني في الجواز".

وأضاف: "من خلال كل تجاربي وصلت إن العلاقات رزق، وكرم من عند ربنا أو غضب من عند ربنا، كنت دايماً بحلم إن يتفق قلبي مع عقلي، كان دايماً فيه صراع، ودلوقتي اتفقوا في علاقتي الحالية. أنا اطمنت، أنا واحد من الناس اللي طبعاً بحب الشكل الحلو، ويكون دمها خفيف، أنا اتعرفت عليها بالصدفة البحتة، هي بتشتغل في مجال الإعلام وكلّمتني بخصوص البرامج، واتقابلنا وقلت يا رب تطلع شخصيتها زي شكلها، هي واضحة وحقيقية زيي".

وأكد إيساف أن خطيبته لا تمتلك أي حسابات عبر مواقع التواصل الاجتماعي، قائلاً: "هي مفيش عندها حسابات على مواقع التواصل ولا بتنزّل صورها، أنا مش بعيب في حد، ولكن دي حاجة أنا بفضلها في شريكة حياتي، وأكتر حاجة بتضايق مني فيها إني مبعرفش أصالح".