فنان مصري يهاجم والد المطرب النقاش

بعد ظهور الشاب أحمد إسماعيل وشقيقه في برنامج "الستات" وغنائهما وهما يتصدّران "التريند" على مواقع التواصل الاجتماعي و"غوغل"، دفع ظهورهما هذا وحديثهما عن حياتهما عدداً من الفنانين للهجوم على والدهما باعتباره السبب في دفن موهبتهما.

وهاجم الفنان إسلام إبراهيم عبر حسابه الخاص في "إنستغرام" والد الشابين، في منشور قال فيه: "أنا عارف إن الكلام اللي هقوله ده ممكن ميعجبش ناس كتير بس أنا شايف الترند ده من زاوية تانية خالص، فكرة أنك ربنا يرزقك بشابين زي دول ينطبق عليهم كلمة شباب زي الورد لأنهم ربنا كارمهم بالوسامة والموهبة والصوت الحلو وعندهم المؤهلات إنهم يكونوا نجوم ومتحاولش تساعدهم أنهم يحققوا حلمهم أو يعملوا الحاجة اللي بيحبوها".

وأضاف: "بتفرض عليهم قيود ومسؤوليات مش بتاعتهم زي إن هما يجهزوا أخواتهم البنات اللي أكبر منهم حضرتك البنات دول أنت اللي خلفتهم مش هما والحياة دي حياتك انت مش حياتهم هما وتفرض عليهم يكونوا نقاشين وده مش تقليل من مهنة النقاش أكيد هي مهنة محترمة وشريفة لكن أي حد مش موهوب يقدر يشتغلها لكن مش أي حد عنده الموهبة والصوت ده".

واختتم إسلام ابراهيم منشوره مؤكداً: "خلاصة الكلام إحنا مش بنخلف العيال عشان نستعبدهم إحنا عندنا مفاهيم مغلوطة كتير في فلسفة الجواز والخلفة والتربية وزي ما طاعة الوالدين واجبة وأي ابن بيفتح بقه أو يعترض على حاجة مش عجباه بيبقى ابن عاق كمان الولاد أمانة هتتسئل عليها قدام ربنا".

مقالات ذات صلة

مي عز الدين بظهورها الأول مع زوجها في مناسبة فنية بحفل "شاهد" (فيديو وصور)

أروى جودة تكشف الفنانين الذين تتمنى العمل معهم... ومعلومات جديدة عن زواجها

إسلام إبراهيم نجوم الفن غوغل إنستغرام