بسبب "سرقته" عمرو دياب... بهاء الدين محمد يهاجم حسن شاكوش

30 حزيران 2022 | القاهرة – "لها"

بهاء الدين محمد مع عمرو دياب

هاجم الشاعر الغنائي بهاء الدين محمد عبر حسابه الشخصي في "فيسبوك"، مؤدّي المهرجانات حسن شاكوش بعد ظهوره في إحدى المناسبات وهو يغني إحدى أغاني المهرجانات، على ألحان أغنية الفنان عمرو دياب الشهيرة "يا حبيبي لا".

وقال بهاء في منشوره: "هي وصلت للبجاحة دي، هو الإنسان ده بيعتدي ويشوّه أي أغنية محترمة! وتجرأ يفسد أغنية لعمرو دياب #ياحبيبي_لا، ويغنيها بالفشل ده؟!!! وبيغير كلامها كمان؟".

يُذكر أن مطرب المهرجانات حسن شاكوش، تعرض خلال الأيام الماضية لانتقادات لاذعة، بسبب اتهامه صنّاع أغنية "حاجة مستخبية" للمطرب محمد حماقي بأنها مسروقة من لحن تركي في الأساس، ولذلك قرر استخدام اللحن على أغنيته الشهيرة مع زميله عمر كمال، "بنت الجيران".

وفتح عدد كبير من الفنانين النار على شاكوش بسبب تصريحاته السابقة، ومنهم المطربة شذى التي شنّت عبر حسابها الشخصي في موقع التواصل الاجتماعي "فيسبوك" هجوماً حادّاً عليه، قائلةً: "كلامك بالنسبة لي كوميديا سوداء، وهبد غير طبيعي... كنت بضحك وعايزة أكسّر التليفزيون من كمية الاستفزاز، وبالأخص الجزء بتاع الرد إن محمد حماقي أصلاً سارق اللحن من أغنيه تركي؟ وأساساً الأغنية التركي نازلة بعد أغنيه حماقي بسنتين على الأقل!".

وأضافت: "أغنية حماقي من 2012 جايبة 16 مليون بس؟! نقف بقى هنا... أولاً لما نجحت أغنية وسارق لحنها، طيب كنت من باب العلم بالشيء ثقّف نفسك واعرف تاريخ اللحن ده إيه، ومين اللي واخده من مين... تاني حاجة قصدك إيه بأغنية حماقي جايبة 16 مليون بس، إنك أجمد وكده من حماقي! ما هو مش معنى إن في هوجة وانحدار في الذوق، تتخيل إنك جامد أوي... وتتكلم بتعالي كأنك مغني قصيدة الأطلال".

واختتمت شذى هجومها مؤكدةً: "والله أمثلة بجد تكره الواحد في اليوم اللي فكر يسيب فيه حاجات كتير بيحبها، علشان يخبط في العالم دي... ولقب فنان ده يتقال على كل من هبّ ودبّ، وبقى مقياس النجاح وتقدير حجم الموهبة مربوط بالمشاهدات، وحسابات أبعد ما تكون عن المهنية والفن، لنا الله والله".