صلاح تيزاني "أبو سليم" يبكي على الهواء: "زعماء لبنان لا يحبّونه"

30 حزيران 2022

صلاح تيزاني "أبو سليم"

"أجمل ما في لبنان هو لبنان، ولكن أكذب ناس هم سياسيو لبنان الذين يدّعون أنهم يحبّون بلدهم"... بهذه الكلمات فتح الممثل اللبناني القدير صلاح تيزاني النار على السياسيين أثناء حلوله ضيفاً على برنامج Pop Quiz الذي يقدّمه الإعلامي دومينيك أبو حنا على صفحة LBCI Lebanon عبر "فيسبوك".

وقال "أبو سليم" : "أوعا تصدّق انّو بيحبّوا لبنان! يللي بيحبّ لبنان بيضحّي كرمالو. الشعب اللبناني رح يموت من الجوع والقهر، والسياسيين قاعدين متسلّطين، خلّينا ساكتين أحسن لأن الصمت أحياناً أهم من الكلام".

وتساءل "أبو سليم": "كيف إلكن عين يا سياسيين تحطّوا عينكن بعين الشعب؟ بلدنا كان أحلى بلد بالدنيا، وصّلتوه ت صار مزبلة... يا عيب الشوم عليكم"، واستشهد بحادثة رمي السياسيين في حاويات النفايات في أحد البلدان الأجنبيّة.

ولكن ما الذي يُبكي صلاح تيزاني اليوم بعدما أضحك الجمهور لسنوات طويلة؟ يجيب "أبو سليم" بتأثّرٍ شديد: "أبكي على وطني لبنان، عشنا وجبنا اولاد ت يعيشوا بهالوطن! ببكي ت شوف ابني ما عم بقدر شوفو لأنو مش هون".

وبكى "أبو سليم" من شدّة التأثّر قائلاً: "اولادي خارج لبنان، أنا شو باقي من عمري؟ عمري 94 سنة، ما بدّي إبني يكون فوق راسي لمّا الله بياخد أمانتو؟".