رحمة حسن تكشف تعرّضها لهجوم من كلب شرس وإصابتها في أماكن حسّاسة من جسمها

كتبت الفنانة رحمة حسن عبر حسابها الخاص في "فيسبوك" منشوراً كشفت من خلاله عن تعرّضها لهجوم من كلب ضخم أثناء سيرها في الشارع.

وقالت رحمة إن الكلب عضّها في منطقة حساسة بجسمها حسب وصفها، حيث روت تفاصيل الحادثة قائلةً: "إمبارح الساعة 11 بليل كنت نازلة أجيب حاجة من السوبر ماركت، جمب البيت، وكنت ماشية على الرصيف وكان في عربية بتركن جنبي عادي، فجأة الباب اتفتح ولقيت كلب (جيرمن شيبرد) تقريباً مَش متأكدة أوي، بيهجم عليا بكل قوته".

وأضافت: "طبعاً حاولت أجري لكن للأسف الكلب كان قوي وشرس ووقّعني على الأرض، حاولت أقوم وأجري وصاحبته حاولت تشدّه، بس فك الليش بتاعه وعضّني عضة كبيرة وغويطة بنابه في منطقة حساسة، صاحبة الكلب كتّر خيرها أخدتني فوراً على مستشفى إمبابة، ادوني حقنه تطعيم الكلب ولسه فاضلي 4 هاخدهم خلال شهر بس المشكلة إن من إمبارح الجرح بينزف دم كتير".

وتابعت رحمة: "أنا طبعاً خايفة ومصدومة وتعبانة وعندي تورم من امبارح، واللي واجعني أكتر اني مَش عارفه أتصرف إزاي، خصوصاً إني أكيد مَش عايزة الكلب يتأذى، بس كمان مَش عايزة أي إنسان كمان يتأذى ويتعض ويتبهدل في الشارع زيي، أنا كنت بشوف الكلب ده دائماً مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه".

واختتمت رحمة حسن منشورها بالقول: "امبارح صاحبة الكلب قالتلي متخافيش هو عض ولادي قبل كدا وتمام محصلش حاجة! طبعاً أنا اتصدمت لما عرفت إنها مَش أول مرة الكلب يعض حد ومع ذلك هي سايباه عادي في الشارع من غير كمامة أو حد قوي يمسكه، بجد حرام عليكم، الكلب لما بيكون حجمه كبير وشرس بيعتبر سلاح، وصاحبه مسؤول مسؤولية كاملة عنه ويحاسب على إهمال مسؤوليته، خصوصاً لو إهماله تسبب لشخص تاني في أذى بدني يحتاج أكتر من 21 يوم علاج وأذى نفسي ماعرفش هايحتاج قد إيه عشان يخف".

مقالات ذات صلة

عمرو سعد يتحدّى: لا أحد يمكنه تقديم أدواري

مي عمر تكشف سبب غيابها عن مواقع التواصل الاجتماعي

رحمة حسن نجوم الفن فيسبوك