مي فاروق تعترف بما فعلته لإنقاص وزنها

في مداخلة هاتفية لبرنامج "رمضان ويانا" على إذاعة "نغم إف إم"، كشفت الفنانة مي فاروق، عن العديد من أسرارها وكواليس طقوسها في رمضان وسر إنقاص وزنها.

وعن طقوس شهر رمضان معها أكدت مي أن وجود الفانوس في شهر رمضان شيء أساسي في المنزل، مضيفة: "بحضر يوميا الفطور والسحور.. وساعات بكبر وبناكل أي حاجة في البيت".

وتابعت: "في ناس ممكن تطلع أوحش ما فيك، والشخصية المتنمرة بتكون شخص مش سوي أو من جواها ملخبطة، والأغاني اللي بعملها حالياً تجارية.. وبمجرد إنها اتسمعت ده في حد ذاته نجاح".

وتابعت: "مفيش فرصة إني أعمل ألبوم كامل، والشركات اللي عديت عليها ما كانش حد هينتج لي ألبوم، وأنا بعمل اللي عليا، ولما ربنا يريد حاجة تحصل بتحصل، وأجيال من سن أولادي، قالولي بنحب نسمع أم كلثوم منك".

وعن رأيها في الغناء الشعبي والمهرجانات قالت مي: "عدوية مطرب شعبي، وصوت متميز، وبيقدم غناء شعبي محترم، ولكن اللون الموجود الحالي مش غناء شعبي ومش غناء، والمهرجانات لون جديد وله قاعدة عريضة جدا، والأجيال الصغيرة رايحة للنوع ده وده نجاح، ولكن رأيي الشخصي هما لا بيقدموا غناء ولا فن، وأنا بعتبره لون أو فكرة جديدة، ومقدرش أقول عليهم مطربين شعبيين".

واختتمت مي فاروق: "عملت من ٣ سنين عملية تكميم معدة، وأنا شخص مش بحب الرياضة.. كنت خايفة من العملية جدا، وعملت العملية.. والمعدة بقت تستحمل مساحة محددة.. أنا مبسوطة بنفسي في الوقت ده".

مقالات ذات صلة

بكاء النجوم وشجار عائلي في جنازة محمد رحيم

سبب غياب مي عز الدين عن جنازة والدتها

مي فاروق مشاهير الفن نجوم مصر