محمد هنيدي في حوار مفتوح مع الجمهور ويردّ على أسئلة خاصة

13 نيسان 2022 | القاهرة - "لها"

محمد هنيدي

فتح الفنان محمد هنيدي حواراً مع جمهوره عبر حسابه الخاص في "فيسبوك" ردّ من خلاله على أسئلتهم بطريقته الكوميدية المعهودة.

وجاءت إجابات هنيدي على أسئلة جمهوره مليئة بالضحك، إذ قال: "مبلاقيش وقت للسوشيال ميديا لدرجة إني آخر مرة دخلت "فيسبوك" كان في نهاية شهر أيلول".

وردّ هنيدي على سؤال أحد المتابعين، حول أكبر مبلغ دفعه في "عزومة" أو مطعم، قائلاً: "أنا وعلاء ولي الدين قبل ما نتشهر، كنا بنروح المهرجانات ونضرب البدل وندخل البوفيهات بعد الافتتاح، ونضرب في البوفيه المفتوح، ففي مرة لقينا الفنانين كلهم في مطعم كده بعد الحفلة، دخلنا وقعدنا ومحدش يعرفنا خالص، وعمال الغرسون يحطلنا أكل ونطلب تاني ويقولنا تحبوا تجربوا كذا ونقول ما هو ببلاش، نجرب، وعلاء يقولي الراجل ده كريم أوي، خلصنا وجايين نقوم وبنخرج من المطعم، لقينا كل اللي شغالين في المطعم ورانا، كنا خلصنا تقريباً نص البوفيه، وقعدنا نسدد أنا وعلاء في تمنه 6 شهور".

وتحدث هنيدي عن شعوره إذا رأى صديقه الراحل الفنان علاء ولي الدين، قائلاً: "لو شوفت علاء ولي الدين دلوقتي هنسكت، مش هنتكلم في حاجة، في مرحلة في الصحوبية، خلاص أنت مش محتاج تتكلم، دماغكم وروحكم بقت واحدة، عينك لوحدها هتقول كلام عمره ما يتوصف ولا يتقال".

وسخر هنيدي من طول الفنان أحمد عز قائلاً: "حلمي أقابل أحمد عز وأبصله لتحت مش لفوق".

وكشف كواليسه مع الثانوية العامة، قائلاً: "فاكر بالضبط مجموعي في الثانوية العامة بس كان 53% تقريباً وجبتها على مرتين، مرة في الامتحان الأساسي والمرة التانية في الملحق، المشكلة إني كنت متأكد قبلها إني هجيب مجموع كبير وهدخل طب، ولما جبت الملحق، كنت بخبي الكتب وأنا رايح الدرس، لغاية لما واحد من الحارة قفشني، وقالي أنت رايح فين يا دكتور محمد؟، وعينه مليانة حزن، قلتله هو أنت غبي؟!، أنا دكتور يعني بحضر الدكتوراة، عيط من الفرحة وحضنّي".