بالفيديو - في أول ظهور له بعد شفائه... طارق الشيخ يبكي بسبب جحود أبنائه وزوجته

حلّ المطرب الشعبي طارق الشيخ ضيفاً على برنامج "سابع سما"، الذي تقدّمه الإعلامية راغدة شلهوب على قناة "النهار"، في أول ظهور له بعد خروجه من المستشفى إثر تعرضه لأزمة صحية.

وكشف الشيخ تفاصيل الأزمة الصحية التي تعرض لها، مشيراً إلى أن ما حدث معه كان نتيجة انهيار عصبي... إذ قال: "نرفزة زيادة وضغط عارفة لما تقولي للي حوالين منك حاضر وتنفذي كلمتك، وفي المقابل اللي معاكي لما يقولوا حاضر وما يعملوش، عشان كده انفجرت... العيال راحت المدارس وكنت أنا ووالدتهم فقط قمت كسرت في الشقة وبعدها لقيت نفسي واقع على باب الشقة وخدت 5 غرز".

وأضاف باكياً: "قعدت يومين في الرعاية والدكتور قال لي ابعد عن القهوة والتدخين وجالي انهيار عصبي".

وكشف طارق الشيخ أن الانهيار العصبي الذي تعرّض له، لم يكن سبب أزمته، وإنما أبناؤه وزوجته هم السبب، موضحاً: "ربنا ساترني في الفن والناس واقفة معايا لكن أكتر حد قريب منك وهما أولادك ومراتك مش مقدّرين كل ده".

وأشار إلى أنه له 3 أولاد هم مازن وشهاب وعادل، وابنتان هما رحمة ومريم.

واستكمل حديثه قائلاً: "بقى لي شهرين مش بمسك موبايلي، ومعايا المساعد بتاعي والراجل اللي بيسوق العربية لأني معايا في الموبايل 3 آلاف رقم واللي معايا كل يوم خمسة أو ستة عارفين هيجبوني إزاي، الموضوع كله بسيط هي تراكمات".

وأضاف: "ندمان لأني كنت ممكن أروح فيها وهي مش مستاهلة أي حاجة خالص وولادي مش هيلاقوني ومحدش هينفعني عمري ما تمنيت الموت"، موجهاً نصيحة لأبنائه: "قدّروا تعب أبوكم".

مقالات ذات صلة

أول تعليق من ياسمين صبري بعد اعتذار محمد رمضان

بينار دينيز تستقبل مواودها الأول

طارق الشيخ برنامج سابع سما نجوم الفن