أول تعليق لهدى المفتي بعد أنباء ارتباطها بـ"ويجز"

في أول ظهور لها بعد الأخبار التي تم تداولها على مواقع التواصل الاجتماعي عن ارتباطها عاطفياً بمطرب الراب ويجز، أكدت الفنانة الشابة هدى المفتي، خلال ندوة أقيمت لها على هامش ملتقى "هي تقدر" She Can، أنها تتجاهل أي انتقادات تتعرض لها على مواقع التواصل الاجتماعي، مشيرةً إلى أنها تحاول التأني في اختياراتها الفنية.

وعن أحدث أعمالها، قالت: "اختياري لدوري في مسلسل "بيمبو" لم يكن الاختيار الأول للمسلسل، ولا أشعر بالخجل لقول ذلك، ممكن تكون الاختيار العاشر بس تسيب بصمة".

وعن أكبر التحديات التي واجهتها خلال مشوارها الفني، أضافت: أكبر تحدي مكنش في شغلي كان لنفسي، فكرت في حاجات كتير وفي الأوقات اللي مريت بيها، والمقالات اللي بتهزني خصوصا اللي عن شغلي، ببقى بشوف الحاجة وحاطة إيدي على قلبي.

وتابعت المفتي: "من أكتر الحاجات اللي مريت بيها إني أتجاهل أي كلام يؤذيني نفسياً، والتنمر اللي على السوشيال، أنت معرض لتنمر طول الوقت، وممكن تلاحظ أن أصحابك بيتنمرو عليك، الناس اللي بتحكم عليك من مظهرك، أو دور ميعجبش الناس، ممكن أعمل دور ميطلعش كويس أو ميعجبش الناس ممكن أشوف نقطة ضعفي وأحاول أغيرها أو هرفض العمل علشان معملش نفس الغلطة".

وتابعت: "سنة 2020 كان سنة هادئة بس نفسية متعبة على كل الناس، لو حد معاه جنيه بيخاف عليه الناس بتشتري 10 علب صلصة، العالم بيخلص، اتعلمنا فيها كلنا، والناس طلعت مواهب رسم وطبخ وغناء".

واستكملت حديثها: "أنا حاولت أطور من نفسي وأقرأ كتب وأنام كفاية وأتفرج على التلفزيون وآكل مع أصحابي، وبالتأكيد كنت خايفة من كورونا".

مقالات ذات صلة

عمرو سعد يتحدّى: لا أحد يمكنه تقديم أدواري

مي عمر تكشف سبب غيابها عن مواقع التواصل الاجتماعي

هدى المفتي ويجز مشاهير الفن