نيكولا معوض يُحدث ضجة برأيه في "أصحاب ولا أعز" وسبب اعتذاره عن العمل

في ظل الجدل الحاصل بسبب فيلم "أصحاب ولا أعز"، كشف الفنان اللبناني نيكولا معوض سبب اعتذاره عن المشاركة في بطولة الفيلم، من خلال منشور طويل عبر حسابه في موقع "فيسبوك"، أوضح فيه أنه عادة لا يحبّذ الإعلان عن رفضه لأي دور يُعرض عليه، ولكن "اليوم، مع كل الجدل يلّي عم نشوفوا حول فيلم "اصحاب ولا أعزّ"، كتير حابِب قول إنو كان المفروض كون واحد من مُمَثّلي الفيلم... وكمان حابب قول إنو سبب اعتذاري ما إلو علاقة أبداً بالجَدَل الجاهِل العَقيم يلّي عم نشوفوا حالياً".

وأضاف: "اعتذرت لإنو ظروف كورونا خلّت التصوير يتأجَّل أكتر من مرّة وكان عندي ارتباط مُسبَق بتصوير خارج لبنان، فاضطرّيت انسحب من المشروع وأنا عارف مُسبَقاً إني كتير رح إزعَل لمّا شوف الفيلم".

وتابع: "كنت مفكّر حالي رح إزعَل بسّ لإنو الفيلم فنيّاً كتير حلو كمان لأنّي كنت عارف مُسبقاً كيف رح يكون أداء كل انسان اشتغل قدّام الكاميرا و ورا الكاميرا تحت إدارة المخرج يلّي بحبّو كتير وِسام سمَيرة، بسّ اليوم لقيت حالي زعلان لأسباب تانية... زعلان لإنو هالفيلم كان رح يكون فرصة تخلّيني قول بالفعل مش بَسّ بالحَكي قدّيه الفَنّ أعلى وأسمى من كل القيود والأحكام والرقابات، وقدّيه للأسف نحنا عايشين بمُجتمع منافق مُزدوِج المعايير".

وحرص نيكولا معوض على الإشادة بأبطال الفيلم حيث كتب قائلاً: "تحيّة من القلب لكل حدا اشتغل على هالفيلم و لكلّ إنسان مؤمِن بِفَنّ حرّ ومستقِلّ. بعرِف رح يكون في كتير تعليقات سلبيّة.. كان فيي ضَلّ ساكِت، بَسّ يلّي عم يتهاجَموا اليوم هنّي زُمَلاء وأصدقاء بحتِرِمُن، وكتير بحترم مشاركتُن بهالعمل، وواجِب عليّي وعكل انسان بفَكِّر متلنا إنو يوقف بصَفُّن. بعتذر سلف عن عدم الردّ".

وجاء تصريح النجم اللبناني لدعم النجوم المشاركين في الفيلم بعد الضجة التي أثارها حولهم المشاهدون عقب عرضه على شبكة "نتفليكس"، واتهام البعض له بالترويج للمثلية الجنسية ونشر الرذيلة.

مقالات ذات صلة

بعد حديثها عن ارتداء الحجاب.. صور جديدة لحلا الترك

بشرى تكشف عن أمنيتها للعام الجديد

نيكولا معوض أصحاب ولا أعز مشاهير الفن نجوم لبنان