نشوى مصطفى تعترف للمرة الأولى بمعاناتها من الاكتئاب

نشرت الفنانة نشوى مصطفى، منشوراً عبر حسابها الشخصي على "فيسبوك"، كشفت من خلاله عن سبب تعرضها للاكتئاب في بعض الأحيان وأسباب اعتذارها عن الأعمال الفنية.

وقالت نشوى في منشورها: "حاحكي لكم حكاية على سبيل الفضفضة وآسفة لو حازعجكم، بقالي فترة طويلة مش باشتغل التمثيل اللي أتمناه، اللي هو طموحي، واللي هو أنا لحد اللحظة دي مامثلتش طموحي، ولا حتى شبه طموحي، إلا في شوية أعمال يتعدوا على الصوابع ومنهم مثلًا المسرحية اللي كتبتها على مقاس أحلامي في التمثيل، أقصد سيلفي مع الموت، ولأن الكلام ده كان من أربع سنين فالتمثيل وحشني أوي".

وأضافت: "كنت فاكرة أن أي شغل حيجى لى حوافق على طول، لقيت نفسى بيتعرض عليا أدوار باقراها واعتذر، وبعد ما اعتذر اقعد فترة مكتئبة وألوم نفسى طيب ليه اعتذرت، فنفسى ترد تقول لى ماهو انتى ماحسيتيش إنك حابة اللي قريتيه يومين تلاتة وانسى".

وأكدت: "أمس الأول اتعرض عليا شغل والحقيقة النهاردة اعتذرت، وكلمت الأستاذ المخرج المحترم الراقي وقلت له اسباب اعتذاري وكان رده كنت متأكد إنك مش حتوافقي وباحترمك جدًا لانك رفضتي لان كان فيه رهان- حد قال انك حتوافقي لان بقالك كتير بعيد وأنا قلت له غالبًا حتعتذر رغم أن مساحة الدور كويسة، قلت له يا أستاذ مثلًا الزميل العزيز ماجد الكدواني عمل مشهد واحد في مسلسل عظيم اسمه تحت السيطرة، والحقيقة مفيش حد يقدر ينسى العظمة اللي عملها رغم إنه مشهد واحد الموضوع مش مساحة، المهم اعتذرت وخلاص ولقيت نفسى بعدها مش مبسوطة".

وتابعت: "كلمت ربنا وقلت له يارب أنا مش فاهماني وحضرتك اللي خلقتني وعارف نقط ضعفي، وطلبت منه يفهمني ويرضيني بالمقدر ليا، وسبحان الله بافتح فيسبوك لقيت بوست مكتوب فيه من يترك كل أمره في يد الله سيجد يد الله في كل شيء يخصه، وعلى طول غمضت عينى وابتسمت لأن حسيت إن ده رد ربنا سبحانه عليا وبعدها قعدت أردد اللهم إني أسلمت لك نفسي ووكلتك أمري فأنت حسبي ووكيلي، وصلى الله على سيدنا محمدًا النور وأهله".

مقالات ذات صلة

ميريام فارس تجهّز زينة منزلها بطريقة مبتكَرة (فيديو)

بسمة ترد على أخبار انضمامها لمسلسلات رمضانية

نشوى مصطفى مشاهير الفن نجوم مصر