محمد عطية يتحوّل إلى نباتي ويثير الجدل بكلامه عن أضاحي العيد

أعلن الفنان المصري محمد عطية عبر حسابه الرسمي في موقع "إنستغرام"، تحوّله من أكل اللحوم الحيوانية إلى النظام الغذائي النباتي، ونشر صورة جمعته بكلب، مع التعليق: "ناس كتير باعته تسألني عن الأكل اللي بحطّه فى الستوريز بتاعتي بقالي كام يوم... إنت بقيت فيجن؟؟".

وأضاف: "الحقيقة أنا بحب الحيوانات جداً وبقالي أكتر من سنتين مسيطرة على دماغي فكرة إني مش قادر آكل كائن بيتحرك وبيحس وبيتألم وكل ما كنت أشوف فيديوهات الأضحية اللي بتنتشر وقت الأعياد بقرر إني خلاص مش عاوز أكون طرف في المعادلة دي بس كل مرة ما كنتش بنفذ ده. من كام يوم قررت إني أوقّف أكل الحيوانات ومنتجاتها وبعيداً عن إن أغلب الناس في مجتمعنا هيسخروا من الفكرة أنا بعمل الحاجة اللى أقدر أكون بيها مرتاح، وأكيد مش بحكم علي أي حد بياكل لحوم، كل واحد مرتاح في حاجة يعملها، وتلخيصاً لنقاش حلال وحرام، ما فيش حاجة بتحرّم إني ما أكلش حيوانات أو إعمل حاجة تريّح ضميرى تجاه الحيوانات".

واختتم محمد عطية بالقول: "كنت بحس بتناقض وأنا بحب الحيوانات وبدافع عن حقوقهم وأرجع آكل فراخ أو لحمة... والنقاشات اللي حوالين الموضوع لا تعنيني بشيء لأن الحقيقة أنا بدوّر على راحتي نفسياً قبل أي حاجة... المهم عشان الناس اللي بتبعت تسألني... أيوة أنا قررت أبقى فيجن".

مقالات ذات صلة

طليقة أحمد مكي تهدد محمد عطية بعد سخريته من منشوراتها

محمد عطية يلجأ إلى القضاء

محمد عطية